O‘zbekiston - Qozog‘iston chegarasidagi o‘tkazish punktlaridan biri bir necha oyga yopilmoqda

  • 18 oktyabr 2019, 13:38
  • 979
  • Jamiyat
  • O‘zbekiston - Qozog‘iston chegarasidagi o‘tkazish punktlaridan biri bir necha oyga yopilmoqda
    Foto: Davlat bojxona qo‘mitasi axborot xizmati
    1 noyabrdan boshlab “B.Konisbayev” chegara o‘tkazish punktida piyoda jismoniy shaxslar, yengil avtotransport va 3,5 tonnagacha yuk ko‘tarish qobiliyatiga ega bo‘lgan yuk avtotransport vositalari harakati 2020 yil 1 yarmiga qadar to‘xtatiladi.

    Davlat bojxona qo‘mitasi xabariga ko‘ra, Qozog‘iston Respublikasining O‘zbekiston Respublikasi bilan chegarada joylashgan “B.Konisbayev” chegara o‘tkazish punktida qayta qurish va kengaytirish ishlari olib boriladi.

    Shu munosabat bilan qo‘mita tovar hamda transport vositalarini bojxona chegarasi orqali olib o‘tuvchi tashqi iqtisodiy faoliyat ishtirokchilari, tashuvchilar, yengil avtotransport vositalari haydovchilari va piyoda ravishda harakatlanuvchi jismoniy shaxslarga vaqtlarini tejash, sarf-xarajatlarning oldini olish maqsadida o‘zbek-qozoq chegarasida joylashgan boshqa muqobil o‘tkazish punktlari orqali harakatlanishlari mumkinligini ma’lum qildi.

    Eslatib o‘tamiz, Qozog‘istonning “B.Konisbayev” chegara o‘tkazish punkti Toshkent viloyati Chinoz tumanidagi “Yallama” chegara o‘tkazish punktiga tutash hisoblanadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekiston - Qozog‘iston chegarasidagi o‘tkazish punktlaridan biri bir necha oyga yopilmoqda