Prezident ko‘p kvartirali uylarni boshqarish to‘g‘risidagi qonunni imzoladi

  • 08 noyabr 2019, 14:09
  • 835
  • Jamiyat
  • Prezident ko‘p kvartirali uylarni boshqarish to‘g‘risidagi qonunni imzoladi
    Foto: Prezident matbuot xizmati
    Qonunda ko‘p kvartirali uy, umumiy mol-mulk kabi tushunchalar ochib berildi, deb xabar bermoqda «Huquqiy axborot» kanali.
    Jumladan, ko‘p kvartirali uyga tutash yer uchastkasiga yoxud bunday uydagi umumiy foydalaniladigan joylarga mustaqil chiqish yo‘laklariga ega bo‘lgan ikki va undan ortiq kvartiralar majmui ko‘p kvartirali uy hisoblanadi.

    Qonunga muvofiq, ko‘p kvartirali uyni boshqarish usuli ko‘p kvartirali uydagi joylar mulkdorlarining umumiy yig‘ilishida belgilanadi.

    Ko‘p kvartirali uyni boshqarish quyidagilar tomonidan amalga oshirilishi mumkin:
    - bevosita joylarning mulkdorlari tomonidan;
    - yuridik shaxs bo‘lgan boshqaruvchi tashkilot tomonidan yoki jismoniy shaxs (yakka tartibdagi tadbirkor) bo‘lgan boshqaruvchi tomonidan shartnoma asosida;
    - bitta yoki zich joylashgan bir nechta ko‘p kvartirali uyda turar joylarning va yashash uchun mo‘ljallanmagan joylarning mulkdorlarini birlashtiruvchi uy-joy mulkdorlarining shirkati bo‘lgan notijorat tashkilot tomonidan.
    Shuningdek, Qonunga ko‘ra, umumiy mol-mulk joylarning mulkdorlariga umumiy ulushli mulk huquqi asosida tegishli bo‘ladi.

    Agar umumiy mol-mulkning boshqa shaxsga berilishi yoki foydalanish uchun o‘tkazilishi boshqa mulkdorlarning o‘z mulk huquqlarini amalga oshirishini cheklaydigan bo‘lsa, u boshqa shaxsga berilishi yoki foydalanish uchun o‘tkazilishi mumkin emas.

    Qonunga ko‘ra, Vazirlar Mahkamasi 2020 yil 1 maygacha Toshkent shahrining Yakkasaroy tumanida, Jizzax va Marg‘ilon shaharlarida ko‘p kvartirali uylarni boshqarishda ushbu Qonun normalarini aprobatsiya qilish yuzasidan huquqiy eksperiment o‘tkazadi.

    Huquqiy eksperiment yakunlari bo‘yicha 2020 yil 1 iyunga qadar bo‘lgan muddatda ushbu Qonun normalarini yanada takomillashtirish va uni respublikaning boshqa hududlarida qo‘llash to‘g‘risida Qonunchilik palatasiga taklif kiritiladi.

    Ushbu Qonun 2020 yil 1 avgustdan e’tiboran kuchga kiradi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Prezident ko‘p kvartirali uylarni boshqarish to‘g‘risidagi qonunni imzoladi