08:03 / 11.11.2019
11 269

Ulug‘bek Rahmatullayev "aravakash" bolani izlab topdi, uni Misrga yubormoqchi

Ulug‘bek Rahmatullayev "aravakash" bolani izlab topdi, uni Misrga yubormoqchi
Oktyabr oyida maktab o‘quvchisi ishtirokida tarqalgan videoni siz ham ko‘rgan bo‘lsangiz kerak...

Unda, jurnalist Hasanboy Sattorov 8-sinf o‘quvchisi Zafardan intervyu olgan edi. Suhbatda ma’lum bo‘lishicha, 14 yashar bolakay allaqachon katta hayotning sinovlaridan o‘tib kelyapti. U bozorda aravakashlik qilib, onasiga ro‘zg‘or tebratishga yordam berayotgani haqida iymanib, ko‘zidagi yoshini yashira olmay gapirib bergandi.

Ijtimoiy tarmoqlarda keng tarqalgan ushbu suhbat hech kimni befarq qoldirmadi. Hatto, aksariyat san’atkorlarimiz ham bu bolaning jasorati va oilaparvarligiga tan berishgan. Unga bo‘lgan hurmatini instagram tarmog‘i orqali izhor etganlar ham bo‘ldi.

O‘zbekistonda xizmat ko‘rsatgan artist Ulug‘bek Rahmatullayev esa uni izlab ham topdi. Va uni oila a’zolari bilan ayni kunlarda bo‘lib o‘tayotgan yakkaxon konsert dasturiga taklif etdi. Ammo xonanda bu bilan chegaralangani yo‘q. U bolakayga Misr davlatining Sharmal Sheyx shahrida 10 kun dam olib kelishi uchun yo‘llanma ham tuhfa etdi. Ammo Zafardan tanlov ham bor. Xohlasa, 10 kunlik sayohatga borishi yoki safar harajati pullarini olishi mumkin. Ixtiyor uning o‘zida.

Nima ham derdik, san’atkorlarimizning sahovatpeshaligiga ko‘z tegmasin!

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Ulug‘bek Rahmatullayev "aravakash" bolani izlab topdi, uni Misrga yubormoqchi