Jizzaxda Milliy gvardiya tomonidan 90 metrli ulkan bayroq namoyish etildi

  • 19 noyabr 2019, 17:02
  • 510
  • Jamiyat
  • Jizzaxda Milliy gvardiya tomonidan 90 metrli ulkan bayroq namoyish etildi
    Foto: Milliy gvardiya matbuot xizmati
    Toshkent shahri va respublikaning har bir hududida 17—18 noyabr kunlari Milliy gvardiya harbiy otliq otryadlarining «O‘zbekiston Davlat bayrog‘i marshi» bo‘lib o‘tdi. Bu haqda «Zamin.uz»ga Milliy gvardiya matbuot xizmati ma’lum qildi.

    Qayd etilishicha, marshlar davomida otliqlar otryadi bilan bir qatorda avto va moto bo‘linmalar hamda velosportchilar ishtirokida bayroq baland ko‘tarilgan holda saf yurishlari o‘tkazildi.

    Foto: Milliy gvardiya matbuot xizmati
    Shuningdek, Jizzax davlat pedogogika instituti akademik litseyi binosida «Bayroqqa sadoqat — Vatanga sadoqat» shiori ostida litsey o‘qituvchilari hamda Jizzax viloyati bo‘yicha Milliy gvardiya boshqarmasi harbiy xizmatchi va xodimlaridan tashkil topgan jamoalar o‘rtasida maxsus viktorina o‘tkazildi. Jizzax viloyatining kirib kelish darvozasida esa harbiy xizmatchilar yordamida uzunligi 90 metr, eni 60 metr bo‘lgan davlat bayrog‘i namoyishi tashkil etildi.

    Foto: Milliy gvardiya matbuot xizmati
    Navoiy viloyatida Milliy gvardiya boshqarmasi hamda bo‘linmalari tomonidan «O‘zbekiston Respublikasi Davlat bayrog‘i — faxrim va g‘ururim» shiori ostida yoshlar ishtirokidagi she’rxonlik kechasi va badiiy dasturlarni o‘z ichiga olgan ma’naviy-ma’rifiy tadbirlar o‘tkazildi.

    Toshkent viloyatida joylashgan Milliy gvardiya bo‘linmasi Yoshlar ittifoqining Qibray tumani kengashi bilan hamkorlikda «Xalq va armiya yakdil» shiori ostida shu tumanda joylashgan 14-umumiy o‘rta ta’lim maktabida «Yosh gvardiyachi» sport musobaqasini tashkil etdi.

    Foto: Milliy gvardiya matbuot xizmati
    Termiz shahrida esa «Bayrog‘imiz — faxrimiz, g‘ururimiz» mavzusida yoshlar o‘rtasida yugurish bo‘yicha marafon bo‘lib o‘tdi. Shu bilan birga Milliy gvardiyaning Surxondaryo viloyati bo‘yicha boshqarmasi va Qiziriq tumani hokimligi hamkorligida «Davlat bayrog‘i — mening iftixorim!» shiori ostida tumandagi ta’lim muassasalari o‘quvchilari va mahallalardagi vaqtincha ishsiz yoshlar ishtirokida sportning bir qator turlari bo‘yicha musobaqa o‘tkazildi.

    Bo‘lib o‘tgan bellashuvlardagi barcha g‘oliblar va tadbirlarning faol ishtirokchilari Milliy gvardiya boshqarmalari tomonidan munosib rag‘batlantirilgan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Jizzaxda Milliy gvardiya tomonidan 90 metrli ulkan bayroq namoyish etildi