2020 yilda fermer xo‘jaliklari tomonidan bog‘chalar tashkil etiladi

  • 14 dekabr 2019, 18:05
  • 888
  • Jamiyat
  • 2020 yilda fermer xo‘jaliklari tomonidan bog‘chalar tashkil etiladi
    Foto: napolshu.com
    2020 yilda ko‘p tarmoqli fermer xo‘jaliklari ekoturizmni rivojlantirish va maktabgacha ta’lim tashkilotlarini tashkil etish bilan ham shug‘ullanadi.

    “Kelgusi yilda 22ta yo‘nalish bo‘yicha 11,957ta fermer xo‘jaligi ko‘p tarmoqli tizimga o‘tkaziladi. Yil davomida 2,2 trln so‘m mablag‘ asosida 12,4787ta loyiha amalga oshiriladi. Natijada 41 mingdan ortiq kishining ish bilan bandligi ta’minlanadi”, − deydi qishloq xo‘jaligi vaziri o‘rinbosari Shuhrat Teshayev Senatning 25-yalpi majlisida.

    Vazir o‘rinbosariga ko‘ra, 2020 yilda ko‘p tarmoqli fermer xo‘jaliklarini tashkil etish dasturiga asosan, fermer xo‘jaliklari ekoturizmni rivojlantirish va maktabgacha ta’lim tashkilotlarini tashkil etish bilan shug‘ullanadi.

    “43ta fermer xo‘jaligi tomonidan 3500 o‘ringa ega bog‘cha tashkil etiladi”, − deya Shuhrat Teshayevning so‘zlarini keltirmoqda Kun.uz muxbiri.

    2020 yilda ko‘p tarmoqli fermer xo‘jaliklarini tashkil etish dasturiga ko‘ra, fermer xo‘jaliklarining moliyaviy holati bo‘yicha tijorat banklaridan tavsiyalar olindi, qishloq xo‘jaligi sohasidagi har bir loyiha hududning xususiyatlaridan kelib chiqqan holda ishlab chiqildi, loyihalar uchun kredit ajratilishi kafolatlandi.

    Mazkur dastur Senatning 25-yalpi majlisida ma’qullandi.

    » » 2020 yilda fermer xo‘jaliklari tomonidan bog‘chalar tashkil etiladi