Bosh prokuratura Farg‘ona viloyat hokimi Shuhrat G‘aniyev bo‘yicha surishtiruv boshlagan

  • 19 dekabr 2019, 12:46
  • 1 521
  • Jamiyat
  • Bosh prokuratura Farg‘ona viloyat hokimi Shuhrat G‘aniyev bo‘yicha surishtiruv boshlagan
    O‘zbekiston Elektron ommaviy axborot vositalari milliy assotsiatsiyasining «Zarafshon» zali Media hall’ida «Yangi O‘zbekiston - yangi saylovlar» munozara klubining navbatdagi tadbiri bo‘lib o‘tmoqda.

    «O‘zbekistonda keng ko‘lamli o‘zgarishlar sharoitida fuqarolik jamiyatining rivojlanishi» mavzusidagi tadbirda Prezident xalq qabulxonalari - hokimiyat va xalq o‘rtasidagi muloqot vositasi ekani, jamoatchilik nazoratini amalga oshirishning huquqiy asoslari va mexanizmlari, OAV sohasidagi qonun hujjatlarini takomillashtirish, ijtimoiy-iqtisodiy sohadagi muammolarni aniqlash va jamoatchilik nazoratini amalga oshirishda OAV roli, so‘z erkinligini ta’minlash kafolati omili sifatida blogosferani rivojlantirish kabi masalalar yuzasidan fikr almashilmoqda.

    Tadbirda mas’ul shaxslarga Farg‘ona viloyati hokimi Shuhrat G‘aniyevning bloger haqidagi gaplari xususida savol berildi.

    «Farg‘ona viloyat hokimi Shuhrat G‘aniyev bo‘yicha Bosh prokuratura surishtiruv boshlabdi. Surishtiruv yakunlari bo‘yicha qo‘shimcha ma’lumot beriladi», - deydi Axborot va ommaviy kommunikatsiyalar agentligi direktori Komil Allamjonov.

    Eslatib o‘tamiz, 14 dekabr kuni Farg‘ona viloyati hokimi Shuhrat G‘aniyevning ovozi deb aytilayotgan audiomaterial tarqaldi. Unga ko‘ra, G‘aniyev 2 dekabr kuni o‘tkazilgan selektor yig‘ilishida Quvada gaz yo‘qligiga norozilik bildirib, avtomobil yo‘lini to‘sish voqeasini ijtimoiy tarmoqqa qo‘ygan shaxsning «janozasi o‘qilmagani» uchun Quva tumani hokimini tergagan.

    » » Bosh prokuratura Farg‘ona viloyat hokimi Shuhrat G‘aniyev bo‘yicha surishtiruv boshlagan