3 848
Amerikalik diplomatlar Nafosat Olloshukurovaning O‘zbekistonni tark etishiga izoh berdi
Foto: Facebook /shabnam.olloshkurova
AQSHning O‘zbekistondagi elchixonasi xorazmlik bloger Nafosat Olloshukurovaning O‘zbekistonni tark etishiga izoh berdi.
«Bloger Nafosat Olloshukurova O‘zbekistonni o‘z ixtiyori bilan tark etdi. AQSH elchixonasi u bilan uning ketishi oldidan uchrashdi, elchixona uning ishini diqqat bilan kuzatib boradi», - deyiladi elchixonaning Twitter sahifasida.
1/2 Blogger Nafosat Ollashukorova left Uzbekistan of her own accord. The U.S. Embassy was fortunate to be able to meet with her before she left and will continue to follow her case closely.
— U.S.Embassy Tashkent (@usembtashkent) January 21, 2020
Elchixonaning ta’qidlashicha, AQSH so‘z erkinligini qo‘llab-quvvatlaydi.
«Prezident Mirziyoyev OAV hukumat ustidan jamoatchilik nazorati va uning islohotlar dasturi muvaffaqiyati uchun zarurligini aytadi. Jurnalistlarga o‘z ishlarini bajarishlariga ruxsat berilishi, ular tahdid yoki ta’qibga uchramasliklari kerak», – deyiladi elchixona izohida.
2/2 The U.S. strongly supports #FreedomofSpeech- vital for any society to flourish. Pres Mirziyoyev says critical media is essential for public control of government and success of his reform program. Journalists should be allowed to do their work, not threatened or harassed.
— U.S.Embassy Tashkent (@usembtashkent) January 21, 2020
Avvalroq Nafosat Olloshukurova Facebook ijtimoiy tarmog‘idagi sahifasida O‘zbekistonni tark etib ketayotganini ma’lum qilgandi.
U mamlakatdan chiqib ketishda o‘ziga yaqindan yordam bergan AQSHning O‘zbekistondagi elchixonasi, "Ezgulik" inson huquqlarini himoya qilish tashkiloti rahbari Abdurahmon Tashanov hamda advokat Umid Davletovlarga minnatdorlik bildirgan.
Eslatib o‘tamiz, Urganch shahar ma’muriy sudining 2019 yil 23 sentabr kungi qaroriga asosan Nafosat Olloshukurovaga nisbatan 10 sutka ma’muriy qamoq jazosi tayinlangan edi. Bosh prokuraturaning ma’lumotiga ko‘ra, 26 sentabr kuni ma’muriy qamoq jazosini o‘tayotgan N.Olloshukurova ruhiyatida o‘zgarishlar sezilganligi uchun tez tibbiy yordam chaqirtirilib, psixiatrning tavsiyasi bilan u viloyat ruhiy asab kasalliklari dispanserida ko‘rikdan o‘tkazish uchun olib ketilgan. Viloyat ruhiy asab kasalliklari dispanseri tomonidan blogerning ruhiyatida o‘zgarishlar sodir bo‘layotgani, unda «ruhiy kasalsimon sindrom, paranoyal sindrom» kasalligi alomatlari kuzatilgani, o‘zi yoki atrofdagilar uchun bevosita xavf tug‘dirishi, nochorligi, asosiy hayotiy ehtiyojlarini mustaqil ravishda qondirishga layoqatsiz deb topilgan va suddan uni psixiatriya muassasasiga joylashtirish so‘ralgan. Fuqarolik ishlari bo‘yicha Urganch tumanlararo sudi tomonidan mazkur so‘rov qanoatlantirilgan.
28 dekabr kuni ruhiy kasalliklar shifoxonasida o‘tkazilgan tibbiy ekspertiza uning salomatligi yaxshilangan, deb topgan va bloger shifoxonadan chiqarilgandi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
Tadbirkorlarga qo‘llanadigan moliyaviy jarima kamaytiriladi
Qondagi shakar miqdorini tartibga soluvchi foydali meva nomi aytildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi