2 661
TIV o‘zbekistonlik migrantlarning sharoitini yaxshilash bo‘yicha Rossiya bilan muzokara o‘tkazmoqda
Rustam G‘oziyev / Foto: AOKA
O‘zbekiston Tashqi ishlar vazirligi Konsullik-huquqiy departamenti birinchi kotibi Rustam G‘oziyev 23 yanvar kuni bo‘lib o‘tgan matbuot anjumanida Rossiya OAVda tarqalgan O‘zbekiston hukumati Rossiyadan mehnat muhojirlariga nisbatan amnistiya so‘ragani haqidagi xabarga izoh berdi.
“Haqiqatan ham O‘zbekiston Tashqi ishlar vazirligi migrantlarimiz uchun qulay sharoitlarni yaratish bo‘yicha Rossiya tomoni bilan muzokaralar olib bormoqda. Rossiyalik hamkasblarimizga bir nechta takliflarni taqdim etganmiz, ayni paytda ular ko‘rib chiqilmoqda”, deydi TIV mas’ul xodimi.
Rustam G‘oziyev Rossiya hududida migratsiya qonunchiligini buzgani uchun deportatsiya qilingani sababli endilikda ushbu mamlakatga kirolmayotgan migrantlarni amnistiya qilish masalasi ikki davlat tashqi ishlar vazirliklari muzokaralar kun tartibidan o‘rin olgan-olmagani haqida ma’lumotga ega emasligini bildirdi. Biroq uning ta’kidlashicha, O‘zbekiston Tashqi ishlar vazirligi xorijda mehnat qilayotgan o‘zbekistonliklarning sharoitlarini yaxshilashga harakat qilmoqda.
Tashqi ishlar vazirligi mutaxassis, shuningdek, Rossiyaga ishlashga borayotgan o‘zbekistonliklarni ro‘yxatga olish muddati uzaytirilishi ehtimoli xususida ham to‘xtalib o‘tdi.
“Ommaviy axborot vositalarida Rossiyaga O‘zbekistondan boruvchi mehnat muhojirlarini ro‘yxatga olish muddatini 7 kundan 15 kungacha uzaytirilishi mumkinligi haqida ham xabarlar tarqalgan. Men Konsullik-huquqiy departamenti vakili sifatida bu haqda aniq axborotga ega emasman. Chunki Tashqi ishlar vazirligida bu masala bilan boshqa bir tuzilma – Shartnomaviy-huquqiy departament shug‘ullanadi”, deydi Rustam G‘oziyev.
Eslatib o‘tamiz, “Kommersant’” nashriga ko‘ra, O‘zbekistonning bir necha yuz ming fuqarosi Rossiyaga kira olmayapti, chunki ular avval migratsiya qonunchiligini buzgan. Rossiyaga keyinchalik qayta kirishga yo‘l qo‘yilmaydi deb, hududni tark etishga qo‘rqib turgan xuddi shuncha qonunbuzar bor. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Futzal. Osiyo Kubogi. Tojikiston Yaponiyani guruhda qoldirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Damas uchun onlayn kontraktatsiya ochiladi
Shveysariya prezidenti Putinga maktub yo‘lladi