1. Ertalab ko‘chaga suv sepib, supurish o‘rniga uxlab qoldingizmi? Kamiga sut pishirayotib, uni toshirdingiz, kechki ovqatni esa tuzga topshiribsiz… Shubha qilmang, axir aybingizni tan olib, oyijoningizdan uzr so‘rayapsiz, demak, yaxshisiz!
2. Qaynonaning gapiga darrov arazlaysiz, ichkariga kirib, yig‘lab ham olasiz. Baribir yaxshisiz. Bu bor-yo‘g‘i ota uyingizdan o‘zingiz bilan olib kelgan bolalarcha arazlashlar yaqin orada o‘zingiz ham ona bo‘lasiz. Demak, erkaliklar ortda qoladi.
3. Gap eshitdingiz, rosa alam qildi. Kechasi bilan bola boqib, kunduzi uy ishlariga ulgura olmasdan gap eshitsa alam qilarkan… Shunday bo‘lsa-da, tilingizdan «oyijon» so‘zi tushmayapti. Ko‘rdingizmi, yaxshi kelinsiz!
4. Qaynonani erga yomonlash yaxshilikka olib kelmasligini tezda tushunib oldingiz. Eng yaxshi yo‘l — qaynonaning ko‘ngliga yo‘l topish orqali erga yoqish. Bu qoidaga endi bir umr amal qilasiz.
5. Mana, kelin bo‘lganingizga ham bir necha yil bo‘libdi, ammo siz haqingizdagi noxush gaplar hatto farzandingizga ham ta’kidlab o‘tiladi. «Qayni-bo‘ynining supurgisi ham turtadi», deb shuni aytishsa kerak-da! Ha, mayli, qarang qanday sabrlisiz! Bu kabi mayda-chuyda gaplarga parvo qilmaslikka urinayapsiz. Balli, yaxshi kelinsiz!
6. Ro‘zg‘oringiz bo‘lak bo‘lsa-da, oyijoningizning maslahatlariga quloq tutasiz. Axir shuncha yilda qaynonaning gapiga kirib kam bo‘lmaganingizni tan olganingiz emasmi bu?
7. Shukrki, shuncha paytdan beri tilingizdan «labbay», «xo‘p bo‘ladi», «bir og‘iz so‘zingiz, oyijon» kabi shirin so‘zlar tushmaydi! Yashang, sizdek qizni tarbiyalagan ota-onangizga ming rahmat!
8. O‘tgan umringizni xotirlab, achchiq gaplarni indamay yutganingizga achinmang. Siz ko‘z oldida ulg‘ayib borayotgan farzandingizga yaxshi ibrat ko‘rsatayapsiz. Nasib qilsa, hali ko‘p yaxshi gaplar eshitasiz!
9. «Uydagi gapni ko‘chaga chiqarma!» To‘ydan avval onangiz qulog‘ingizga qo‘ygan bu gapni umrbod esdan chiqarmaysiz. Yaxshisiz, ichingizdagi cho‘g‘ni sovutish uchun birovga gapirguncha vaziyatni kulib yengib ketasiz.
10. Bu 10 belgini o‘qib turib, o‘zingizni tanidingiz. Ammo buni turmush o‘rtog‘ingiz yoki qaynonangizga rukach qilmaysiz. Bor-yo‘g‘i sevimli «Sug‘diyona» gazetangizni qaynonangizning ko‘zi tushadigan joyda qoldirasiz. Bu ham yaxshi ekaningizning bir belgisi.
Manba: Darakchi.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
