Kecha ishdan qaytayotib bozorga kirdik. Men mashinada qoladigan, turmush o‘rtog‘im xarid qilib chiqadigan bo‘ldi.
Biroz muddat o‘tgach, sal narida chamasi to‘rt-besh yoshlardagi bolakay velosipedda yo‘lni kesib o‘tishga chog‘langani e’tiborimni tortdi. U velosipedida oldinga yurar, biroq mashinalarning tig‘iz qatnovi bois yana ortga chekinardi. Shunda menda darrov bolani yo‘lning narigi betiga o‘tkazib qo‘yish fikri tug‘ildi.
Shu payt yo‘l chekkasida to‘xtagan mashinadan tushgan kishi tezda bolaning oldiga kelib: “Yo‘ldan o‘tkazib qo‘yaymi?”, - dedi. Bolakay bosh irg‘adi. Yo‘lovchi atrofga boqib, bolaning ota-onasini izladi. Uyi qayerda ekanini so‘raganida esa u o‘zi turgan tarafni ko‘rsatdi.
Shunda yo‘lovchining: “Qani, uyingga tez yugur-chi, yo‘lga yaqinlashsang, naq qulog‘ingni kesib olaman-a”,- degan “po‘pisa”sidan keyin bola uyi tomonga velosipedini “uchirib” ketdi.
Bir-ikki daqiqa orasida yuz bergan bu kichik voqeani kuzatib, atrofimizda loqayd bo‘lmagan, sergak, uyg‘oq nigohli, o‘zgalar farzandini o‘ziniki kabi avaylovchi insonlar borligidan qalbim quvonchga to‘ldi. Ayniqsa, bugun ijtimoiy tarmoqlarda tarqalayotgan dunyoning turli nuqtalarida bolalar bilan bog‘liq noxush xabarlardan zada bo‘lgan bir paytda bu manzara ko‘nglimni nurafshon etdi.
Agar bola yo‘ldan o‘tkazib qo‘yilmaganida adashib qolishi, bee’tibor bo‘linganida esa falokatga yo‘liqishi mumkin edi. Shularni o‘ylab, dilimdan shunday kechinma o‘tdi:
“Sizdan minnatdorman, qalbi uyg‘oq aziz yurtdoshim!”
Manba: mahalladosh.uz
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
AQSH rasmiylari: Millionlab amerikaliklar xitoylik hakerlar hujumiga uchragan
Rossiya Ukrainaning harbiy dron yig‘uv inshootlarini yo‘q qildi
Dubay hukmdorining eng go‘zal qizi qanday hayot kechiradi?
Rossiya qo‘shinlari Avdeyevkadagi ikkita qishloqni egallab oldi
Erdo‘g‘on terrorchilar haqida keskin gapirdi
AQSH politsiyachilarining «aqlli qarori» Legoga ma’qul kelmadi
«Tolibon» Moskvadagi terakt tashkilotchilarini yo‘q qilishga va’da berdi