22:47 / 21.07.2018
6 598

Inson hayotidagi barakaning omillari

Inson hayotidagi barakaning omillari
Islomiy adabiyotlarda sahih manbalarga ko‘ra barakaning nimalarda ekani quyidagicha bayon etilgan:

1. Taomni birgalikda yeyishda baraka bor (Ibn Moja).

2. Bismilloh bilan yeyilgan taomda baraka bo‘ladi (Ibn Moja).

3. Baraka ovqatning o‘rtasiga tushadi. Shuning uchun ham chetidan yeng, o‘rtasidan yemang (Termiziy).

4. Saharda va saharlik taomida baraka bor (Tabaroniy).

5. Taomdan oldin va keyin qo‘llarni yuvish uydagi barakani orttiradi (Shuyba).

6. Qaynoq ovqatda baraka bo‘lmaydi (Daylamiy).

7. Asalda baraka va shifo bor (G‘ofilin).

8. Sirkada, sutda, xurmoda baraka bor(Ibn Moja).

9. Rizqiga rozi bo‘lganning barakasi ortadi, rozi bo‘lmaganning barakasi kamayadi (Ahmad).

10. Oldi-sotdida ko‘p qasam ichish molning barakasini ketkazadi (Muslim).

11. Tijoratda baraka bordir, unga yolg‘on, xiyonat aralashsa, baraka ketadi (Buxoriy).

12. Baraka buyuklaringizda (Rafiiy).

13. Birinchi bolasining qiz bo‘lishligi xotinning barakotidandir (Ibni Asokir).

14. Qiz bola barakotlidir (Daylamiy).

15. Bolasiz uy barakasizdir (Abushayx).

16. Uyning yaxshiligi va barakoti ko‘payishi uchun uyga kirganingda uy odamlariga salom bergin (Harotiy).

17. Duo umrning barakasini ko‘paytiradi (Termiziy).

18. Qur’on o‘qiladigan uyning barakasi ortadi, Qur’on o‘qilmaydigan uy bebaraka bo‘ladi (Dorimiy).

19. Musofir mingta baraka va mingta rahmat bilan keladi (Nisobul axbor).

20. Uyidan vaqtli chiqqanning ishida baraka bo‘ladi (Bazzor).

21. Yo‘lchilikka chiqib, birodari bilan vidolashgach, ularning duosi bilan barakaga erishadi (Daylamiy).

22. Ota-onasiga xizmat qilganlarning umri barakali, ularga qarshi borganlarniki barakasiz bo‘ladi (Islom axloqi).

23. Muhammad ismli uy va joyda baraka bo‘ladi (Daylamiy).

24. Bomdod namozining sunnatini uyda o‘qish, rizqning barakotiga sabab bo‘ladi (Imodu islom).

25. Namoz o‘qiydigan kishining rizqi barakali bo‘ladi (Kutubi Sitta).

26. Va’dali oldi-sotdida, qarzni berishda va arpa aralashtirilgan nonda baraka bor (Ibn Moja).

27. Uyda chiqindilarning bo‘lishligi barakasizlikka sabab bo‘ladi (Daylamiy).

28. Fosiq va sudxo‘rlarning daromadida baraka bo‘lmaydi (Daylamiy).

29. Bir jamoada biri gapirib turganda qolganlari tinch turmasa, u joy barakasiz bo‘ladi (Bayhaqiy).
Ulug‘bek Sultonovning “Rizq haqida risola“ kitobidan.

Manba: Azon.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Hayot uchun » Inson hayotidagi barakaning omillari