International mehmonxonasida Farrux Zokirovning tavalludi tungi soat 02:00 ga qadar nishonlandi

  • 19 aprel 2016, 10:04
  • 6 600
  • Madaniyat
  • International mehmonxonasida Farrux Zokirovning tavalludi tungi soat 02:00 ga qadar nishonlandi

    Avvalroq O‘zbekiston xalq artisti Farrux Zokirov qutlug‘ 70 yoshni qarshi olgani manosabati bilan elga dasturxon yozib, osh bergani haqida xabar qilgan edik. Tavallud ayyomining asosiy bayram tadbirlari kecha, 17 aprel kuni poytaxtdagi International mehmonxonasida bo‘lib o‘tdi. Bu haqda "Qalampir.uz" xabar bermoqda.

    O‘zbek estradasining qirolini qutlash uchun borgan mehmonlar ijtimoiy tarmoqlardagi shaxsiy sahifalariga tadbirdan eng sara suratlarni joylab borishdi.

    Kechaga O‘zbekiston xalq artistlari Yulduz Usmonova, Nasiba Abdullaeva, Rushana Sultonova, Ozodbek Nazarbekov, O‘zbekistonda xizmat ko‘rsatgan artistlar Obid Asomov, Rashid Xoliqov, Rayhon G‘anieva, xonandalar Shahzoda, Farrux Ahmedov, Akbar Otamuhammedov tashrif buyurishdi.

    Ma’lumotlarga qaraganda, tadbirga Sardor Rahimxon, Ulug‘bek Rahmatullaev, Manzura, Gulsanam Mamazoitova, Munisa Rizaeva, Shohruhxon, Ziyoda kabi xonandalar taklif etilmagan.

    International mehmonxonasi tantanalar zalining faesi xuddi katta taqdimot marosimlaridagidek bezatilgan edi. U erda Farrux Zokirovning tasviri tushirilgan ikkita plastik haykalchalar o‘rnatilgan bo‘lib, O‘zbekistonda xizmat ko‘rsatgan artist Obid Asomov bu g‘oyani ijtimoiy tarmoqlardagi shaxsiy sahifasi orqali quyidagicha izohladi:

    “Yubilyar” mehmonlar bilan bandlar. Hammaning u kishi bilan rasmga tushgisi keladi bu tarixiy kechada. Shuning uchun kiraverishga ko‘paytirib qo‘yishibdi. Xohlang bitta Farrux aka bilan tushing, xohlang ikkitasi bilan... O‘zingdan ko‘paygin degani shu bo‘lsa kerak. Sog‘ bo‘lsinlar ustoz, 100 ga chiqsinlar. Uyog‘ini o‘shanda maslahat qilamiz”.

    Ishonchli manbalarimizning xabar berishlaricha, Farrux Zokirovning 70 yoshga to‘lishi munosabati bilan tashkil etilgan tadbir tungi soat 02:00 ga qadar davom etgan.





    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » International mehmonxonasida Farrux Zokirovning tavalludi tungi soat 02:00 ga qadar nishonlandi