5 198
Mahmudjon Eshonqulovning karikaturalari Norvegiyadagi ko‘rgazmada namoyish etilmoqda
O‘zbekistonlik rassom Mahmudjon Eshonqulovning karikaturalari Norvegiyada o‘tayotgan xalqaro karikaturalar ko‘rgazmasida namoyish qilinmoqda. 17 noyabr kuni ochilgan ko‘rgazmada butun dunyo rassomlarining 100 ta karikaturasi tomoshabinlar e’tiboriga havola etilgan.
Turon24 rassom bilan bog‘landi. “Bu ko‘rgazma "Xalqaro oq hassa kuni"(International Day of the White Stick)ga bag‘ishlangan. Ko‘rgazma har yili o‘tkaziladi. Bu yilgi mavzusi "Hech kimni ortda qoldirma" (“Leave no one behind”) edi. Qatnashish internet orqali bo‘ldi, ishlarimni 29 sentyabrda yuborganman. Saralash jarayonida 43 davlatdan 156 rassom 249 ta karikaturasi bilan qatnashdi va shundan 100 ta asar saralanib ko‘rgazmaga qo‘yilgan”, – dedi Mahmudjon Eshonqulov.
Shuningdek, rassom Portugaliyada bo‘lib o‘tgan 6-xalqaro yumor biyennalesida qatnashgani uchun ham sertifikat yuborishganini aytdi.
“Bu Portugaliyaning Penela shahrida o‘tkazilgan biyennale edi. Mavzusi – “Hayot tarzi” (“The life style”). 78 davlatdan 450 rassom 1160 ta asari bilan qatnashgan ko‘rgazma 21 sentyabrgacha davom etdi. Mening terrorizmga oid to‘rtta karikaturam ko‘rgazmaga tanlangan va katalogda nashr etilgan. O‘zim biyennalega borolmaganim uchun sertifikatni yuborishibdi. Sertifikat kecha qo‘limga tegdi”, – dedi Mahmudjon Eshonqulov.
Norvegiyada o‘tayotgan xalqaro karikaturalar ko‘rgazmasi 24 noyabrgacha davom etadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!