Foto:«O‘zbekkino»
AQShlik mashhur prodyuser Lourens Alan Kasanoff O‘zbekiston milliy kinokomissiyasi a’zolari hamrohligida Samarqand, Buxoro va Toshkent shaharlarini o‘zining navbatdagi filmi uchun lokatsiyalar tanlash maqsadida ko‘zdan kechirdi.
Yo‘lga qo‘yilayotgan hamkorlik natijasida O‘zbekistonda Gollivud blokbasterining bir qismini suratga olish ishlari bo‘lib o‘tishi kutilmoqda.
O‘zbekiston milliy kinokomissiyasi AQSh kinoijodkorlarining yurtimizda mazkur filmni tasvirga olishini tashkil qilish va AQShdan kelgan kinoijodkorlarga tasvirga olish jarayoni davomida to‘liq ko‘mak ko‘rsatish masalasida kelishib olindi.
Ma’lumot uchun, Lourens Kasanoff «Mortal Combat» franshizasi asoschisi, «Terminator», «Lego-yulduzlar jangi» kabi filmlar prodyuseri hisoblanib, «Terminator 2: Judgment Day» (Terminator 2: Qiyomat kuni) kartinasi uchun Oskar mukofotiga sazovor bo‘lgan. U Arnold Shvarsenegger bosh qahramon rolini ijro etgan va Jeyms Kemeron rejissyorlik qilgan «True Lies» (Chin yolg‘onlar) filmida ijrochi prodyuser vazifasini bajargan.
Lourens Kasanoff 1990 yil kinorejisser Jeyms Kemeron bilan birgalikda «Lightstorm Entertainment» kinokompaniyasiga asos soladi. Ushbu kinokompaniya shu kungacha «Titanik», «Avatar» singari filmlar prodyuserligi bilan shug‘ullangan. Lourens 200 ortiq filmlar yaratilishda ishtirok etib, kinobiznesda milliard dollardan ortiq mablag‘ to‘plagan.
Eslatib o‘tamiz, O‘zbekiston milliy kinokomissiyasi kinoturizmni rivojlantirish, xorijiy kinokompaniyalar uchun O‘zbekiston Respublikasi hududida filmlarni tasvirga olish ishlarida qulay shart-sharoitlar yaratish hamda mamlakat kinolokatsiyasini xorijda keng targ‘ib qilish maqsadida O‘zbekiston Respublikasi Prezidentining 2018 yil 24 iyuldagi PQ-3880-son qaroriga asosan O‘zbekiston yoshlar ittifoqi, «O‘zbekkino» milliy agentligi va kinematografiyani rivojlantirish markazi tizimida tashkil qilingan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Ramzan Qodirovning 19 yoshli qizi medal bilan taqdirlandi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
O‘zbekistonda o‘tgan uch oyda qancha avtomobil ishlab chiqarilgan?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Damas uchun onlayn kontraktatsiya ochiladi
AQSHning Suriyadagi harbiy bazasiga raketalar hujum qildi