Vazir: «Madaniy meros ob’ektlarini restavratsiya qilishda kunimiz mardikorlarga qoldi»

  • 24 avgust 2019, 15:58
  • 1 007
  • Madaniyat
  • Vazir: «Madaniy meros ob’ektlarini restavratsiya qilishda kunimiz mardikorlarga qoldi»
    Senatning 21-yalpi majlisida moddiy madaniy meros ob’ektlarini asrash, restavratsiya qilish jarayoni, bunda kadrlar salohiyati bo‘yicha masalalar ko‘tarildi. Madaniyat vaziri Baxtiyor Sayfullayev shu mavzuda senatorlar tomonidan berilgan savollarga javob berdi.

    “Madaniy meros ob’ektlarimizni restavratsiya qilishda kadrlar masalasi bizning eng og‘riqli nuqtamiz hisoblanadi. Hozir 7500 ga yaqin madaniy ob’ektlarning 259 tasi butkul yo‘qotilgan, tiklab bo‘lmaydi. Ularni restavratsiya qilishda bizda yetarli kadrlar yo‘q. Bu ishlar ko‘p yillardan beri mardikorlar tomonidan qilinadi. Kunimiz ularga qolib ketdi. Restavratsiya – bu ilm, alohida malaka talab qiladi. 1984 yilgacha respublikada restavratsiya institutida bo‘lgan. Ayrim sabablarga ko‘ra shu ta’lim muassasasini yo‘q qildik. Xorijliklar menga restavratsiya instituti nima uchun yo‘q, deb savol berishadi. Qanday javob berishni bilmayman. Kamoliddin Behzod nomidagi Milliy rassomlik va dizayn instituti va Toshkent arxitektura-qurilish institutida restavratsiya bo‘yicha shu o‘quv yilida kafedra ochish bo‘yicha Oliy ta’lim vazirligiga taklif kiritganmiz.”

    Vazirning qo‘shimcha qilishicha, Buxoro davlat universitetida restavratsiya bilan shug‘ullanuvchi muhandislar yo‘nalishi ochildi. Restavratsiya ishlari litsenziya olmasdan amalga oshirildi. Shuning natijasida madaniy meros ob’ektlari qarovsiz qoldirildi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Vazir: «Madaniy meros ob’ektlarini restavratsiya qilishda kunimiz mardikorlarga qoldi»