4 137
Zulfiqor Musoqov va Murod Muhammad Do‘st televideniyedagi mantiqsiz senzuradan norozi
Foto: «Kino san’ati»
Taniqli kinorejissyor Zulfiqor Musoqov televideniyedagi senzura haqida gapirdi, deb xabar bermoqda «Kino san’ati» kanali.
«29 yildan beri kino sohasida faoliyat ko‘rsatayotgan bo‘lsam, filmlarim doimiy ravishda teleekranlarda namoyish etib kelinmoqda. Bundan juda xursandman. Ammo... bitta narsa mening jahlimni chiqaradi. Televideniyeda ko‘rsatilayotgan filmlarimda bu muhim emas degandek, ayrim lavhalar kesib tashlanadi. Buni qanday tushunish kerak?! O‘sha epizodlarni kesayotganlar bu kadrlar uchun butun boshli bir ijodiy jamoa qanchalik mashaqqat chekishganini tushunishadimi? Yo‘q! Buni biz shunday ahvolda qoldirishimiz kerak emas. Filmlarimizning saviyasiga putur yetishi, mualliflik huquqimizning poymol etilishiga jim qarab turolmaymiz», deydi Musoqov.
Foto: «Kino san’ati»
Yozuvchi Murod Muhammad Do‘st rejissyorning fikrlariga xayrixohlik bildirdi.
«Men ham ushbu fikrlarga qo‘shilaman. Bu bizning og‘riqli nuqtamiz. Filmlarni televideniya xodimlari nega kesishini haligacha tushunolmayman. Go‘yoki ular o‘zlarini jamiyatning axloqiy darvozasida turgan posbonlarga o‘xshatishadi. Filmda axloqiy normalarga to‘g‘ri kelmaydigan joylari bo‘lsa «O‘zbekkino» Badiiy kengashiga murojaat qilishsin. Chunki barcha filmlar Kengashdan o‘tkaziladi. Qaysi filmda inson ma’naviyatiga salbiy ta’sir o‘tkazadigan joylar bor? Balki, biz ham 16+, 18+ qilib, tomoshabinning yoshini belgilashimiz kerakdir», deydi taniqli adib.
Ushbu fikrlar bugun, 2 noyabr kuni «O‘zbekkino» Milliy agentligida bo‘lib o‘tgan Badiiy kengashning navbatdagi maxsus yig‘ilishida bildirilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi