Olimlar ayriliqqa uchragan insonlarning yuragi infarktga yuzlashgan insonlar yuragi kabi zaiflashishini aniqladilar

Aberdin universiteti olimlari ikki yil davom etgan tadqiqotlar natijasida sevgan insonidan ayrilgan kishilarning yuragi haqida hayratlanarli hulosaga kelishdi. Aniqlanishicha, ayriliq sabab yuzaga kelgan stress yurakni vaqtincha zaiflashtiradi va bu holat infarktdan keyingi yurak holatiga taqqoslansa arziydi.

Tadqiqot davomida ayriliqqa mubtalo bo’lgan 37 kishi va turli bosqichdagi yurak kasalliklari bilan og’rigan insonlar tekshirib ko’rilgan. Infarkt va ayriliqdan keyingi yurak zaifligi bir hil bo’lishi esa Kaliforniyadagi ilmiy tadqiqotlar assotsiatsiyasi yig’ilishi chog’ida e’lon qilindi.

Ta’kidlanishicha, bu kabi muammolarga erkaklarga nisbatan ayollar ko’proq yo’liqar ekanlar. Ammo olimlar nima uchun ayrim odamlar ayriliqdan keyinga stressdan osonlik bilan chiqishlari, boshqalari esa qattiq tushkunlikka berilishlarini tushuna olmayaptilar.
“Zamin” yangiliklarini “Instagram”da kuzatib boring