13:53 / 08.05.2018
6 940

Shveysariya olimlari sovuq choy yordamida ozishni taklif etishmoqda…

Shveysariya olimlari sovuq choy yordamida ozishni taklif etishmoqda…
Ular o‘tkazgan tadqiqotlarda ko‘ngillilar kuniga 500 millilitrdan sovuq choy ichishdi. Oradan ma’lum vaqt o‘tgach, ishtirokchilar qayta tibbiy ko‘rikdan o‘tkazildi. Ko‘rik davomida mutaxassislar asosan qon bosimi, tana a’zolariga kislorod yetib borishi, tanadagi zahira yog‘lar miqdoriga e’tibor qaratishdi. Kuniga sovuq choy ichgan ishtirokchilar organizmida jiddiy o‘zgarishlar kuzatildi.

Birinchi navbatda zahira yog‘larning asta-sekin kamaya borishi ko‘zga tashlandi. Bundan tashqari, arterial qon bosimi va tanaga kislorod yetib borishi me’yoriy darajaga yetibdi. Organizmning quvvat sarflash darajasi sovuq choy ta’sirida 8, 3 foizga ko‘payganligi ham ma’lum bo‘ldi. Bunga qadar bir guruh ko‘ngillilarga har kuni qaynoq choy berila boshlagandi. Ular organizmidagi quvvat sarflanish darajasi atigi 3,7 foizni tashkil etdi.

Darvoqe, sovuq choy deganda, ham qora, ham ko‘k choy tushunilishi zarur ekan. Ikkala turdagi sovuq choy ham organizmga bir xil ta’sir ko‘rsatarkan. Qolaversa, sovuq choyni yalpiz, rayhon kabilardan tayyorlab ichish ham faqat foyda beradi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Salomatlik » Shveysariya olimlari sovuq choy yordamida ozishni taklif etishmoqda…