Hokimiyat buzilishi rejalashtirilayotgan noturar joy binolari egalariga etkazilgan zararni qoplaydi

  • 02 dekabr 2014, 14:40
  • 10 345
  • O‘zbekiston
  • Hokimiyat buzilishi rejalashtirilayotgan noturar joy binolari egalariga etkazilgan zararni qoplaydi

    Toshkent shahri hokimining 2014 yil 21 noyabrdagi 953-sonli qarori bilan Toshkent shahridagi noturar joy binolarini ular joylashgan er maydonlarini davlat va ijtimoiy ehtiyojlar uchun davlat ixtiyoriga o‘tkazish bilan bog‘liq ravishda ularni buzishda ularning egalari bo‘lgan jismoniy va yuridik shaxslar ko‘rgan barcha zararlarni qoplash Nizomi tasdiqlandi.

    Ushbu nizomga asosan jismoniy va yuridik shaxslarga tegishli bo‘lgan binolar buzilganda ularning o‘rniga boshqa bino va er maydonlari beriladi.

    Noturar joy binolari shahar hududida o‘tkazilayotgan qurilish ishlari, obodonlashtirish, ko‘kalamzorlashtirish, transport infratuzilmasini yaxshilash bilan bog‘liq bo‘lgan tadbirlarni amalga oshirish uchun shahar hokimining qarori bilan buzilishi mumkin.

    Buzilishi rejalashtirilayotgan binolar ro‘yxatini tuzish, qoplanadigan zarar miqdori va u qanday tur bilan amalga oshirilishini aniqlashtirish uchun tuman hokimiyatlarida maxsus komissiyalar faoliyat yuritmoqda.

    Nizomga ko‘ra etkazilgan zarar quyidagi turlarda qoplanishi mumkin:

    1) jismoniy va yuridik shaxslarga noturar joy binolariga teng qiymatdagi bino va agar bino joylashgan er egasi unga doimiy egalik qilish huquqiga ega bo‘lsa, er maydonlarini ajratish (tomonlarning kelishuviga asosan);

    2) buzilishi kerak bo‘lgan binolarni yangi joyga ko‘chirib o‘tkazish va qayta tiklash;

    3) yangi joyda binolar, inshootlar qurish va ularni jismoniy va yuridik shaxslar ixtiyoriga topshirish;

    4) butun ko‘rilgan zararni to‘liq qoplash (buzilishi kerak bo‘lgan turar joy binolari, boshqa inshootlarning narxi miqdorida).

    O‘zboshimchalik bilan qurib olingan turar joy va noturar joy binolariga etkazilgan zarar qoplanmaydi.

    Toshkent hokimi buzilishi kerak bo‘lgan bino, inshootlar, olinishi kerak bo‘lgan er maydonlari haqidagi qarorni qabul qilgandan so‘ng tuman hokimiyatida faoliyat yuritayotgan maxsus komissiyalar erdan foydalanish ishlarini tartibga solish xizmatlari bilan birga mazkur hududlardagi buzilishi lozim bo‘lgan noturar joy binolari inventarizasiyasini o‘tkazadi.

    Agarda yangi taklif etilayotgan bino va inshootlar narxi buzilayotgan bino-inshootlar narxidan kam bo‘lsa, ularning egasi Toshkent hokimiyatiga qo‘shimcha bino va inshootlarni ajratish haqida ariza bilan murojaat etishi mumkin.

    Ushbu qaror 2014 yilning 26 noyabridan kuchga kiritildi.

    Manba: Kun.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Hokimiyat buzilishi rejalashtirilayotgan noturar joy binolari egalariga etkazilgan zararni qoplaydi