YPX xodimlari imkon qadar tartib o‘rnatishga, qoidabuzarliklarga qarshi kurashishga harakat qilishmoqda. Guruch kurmaksiz bo‘lmaydi deganlaridek, ular orasida ta’magirlari ham uchrab turadi. Bu haqda «Buxoronoma» gazetasiga asoslanib, telegraf.uz xabar berdi.
Haydovchi Hamza Hamroyev «Shahrizoda Trans Servis» korxonasiga tegishli yuk avtomashinasida yo‘lni ikkiga bo‘lib turgan 2 ta beton to‘siqni buzib yuborib, yo‘l-transport hodisasi sodir etadi. Viloyat IIB YHXBga bo‘ysunuvchi alohida yo‘l-patrul xizmati otryadi 3-safarbarlik guruhi yo‘l-patrul xizmati katta inspektori Zubaydillo Yuliev voqea joyiga etib keladi. Haydovchining texnik taloni va haydovchilik guvohnomasini olib qo‘ygan Zubaydillo Yuliev «Shahrizoda Trans Servis» rahbari Jamshid Isomiddinovni ilgaridan taniganligi uchun H.Hamroyevga «Ketavering, hujjatlarni o‘zim olib qo‘yaman», deydi.
Oradan o‘n kun o‘tib, H.Hamroyev Zubaydillo Yulievga uchrashadi. Ammo YPX xodimi unga hujjatlarini qaytarib bermaydi, «Jamshidning o‘zi kelsin» deydi.
Keyinroq Jamshid Isomiddinovga telefon qilib, uyiga bir mashina qum-shag‘al olib borib tashlashni aytadi. Hujjatlarni qaytarish evaziga ta’magirlik qilayotgan Z. Yuliev ustidan H.Hamroyev huquqni muhofaza qiluvchi organlarga murojaat etdi.
Yo‘l-transport hodisasini sodir etganlik holatini hujjatlashtirmasdan, tegishli chora ko‘rmasdan hujjatlarni qaytarib berishga va’dalashgan YPX xodimi Buxoro tumani, «Ko‘chko‘mar» qishloq fuqarolar yig‘ini, Mijona qishlog‘idagi hovlisi oldida 30 tonna, narxi 400 ming so‘mdan iborat shag‘al qurilish materialini pora tariqasida qabul qilib olgani aniqlandi.
Z.Yuliev jinoyat ishlari bo‘yicha viloyat sudi hukmiga binoan O‘zbekiston Respublikasi JKning 210-moddasi tegishli bandlari bilan aybli deb topilib, uzoq muddatga ozodlikdan mahrum etildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!