Mirziyoyev Sergeliga er usti metrosi qurilishini tezlashtirishni buyurdi

  • 28 sentyabr 2016, 16:20
  • 6 206
  • O‘zbekiston
  • Mirziyoyev Sergeliga er usti metrosi qurilishini tezlashtirishni buyurdi

    O‘zbekiston prezidenti vazifasini bajaruvchi Shavkat Mirziyoyev Toshkentning Sergeli tumaniga tashrif buyurib, taaluqli tashkilotlarga er usti metrosi qurilishini tezlashtirishni topshirdi. Bu haqda "Sputniknews-uz.com"ga asoslangan xolda "Carzone.uz" sayti xabar berdi.

    Tumanga uyushtirilgan tashrif davomida, Shavkat Mirziyoyev uy-joy va ijtimoiy ob’ektlar qurilishi hamda kuz-qish mavsumiga ko‘rilayotgan tayyorgarlik ishlari bilan tanishib chiqdi. Prezident vazifasini bajaruvchi eskirgan binolar o‘rniga yangilarini qurish, ko‘p xonadonli uylarda yashash sharoitlarini yaxshilash hamda kommunal xizmatlar sifatini oshirish masalalariga alohida e’tibor berdi.

    Jamoat vakillari, shahar rahbariyati va mutaxassislar bilan bo‘lib o‘tgan uchrashuvda, Sergeli tumanida 2017-2022 yillarda 500ta ko‘p xonadonli uylar qurilishi loyihasida alohida to‘xtalib o‘tdi. Ushbu loyiha 30 ming aholini yangi uy bilan ta’minlash masalasini hal qilishi kerak. Yangi qurilgan uylardagi xonadonlar imtiyozli ipoteka kreditlari asosida aholiga topshirilishi rejalashtirilgan.

    Shuningdek, poytaxtning barcha tumanlarida yangi bog‘lar qurilishi va yashil hududlar tashkil qilish, yangi transport kommunikasiya tarmoqlari, madaniy-maishiy ob’ektlar qurilishi hamda er usti metro yo‘li qurilishini jadallashtirish masalalari ko‘rib chiqildi.

    Shavkat Mirziyoyev, belgilangan ushbu loyihalar kelajakda nafaqat Sergeli tumanining, balki Toshkent salohiyatini oshirishini ta’kidladi.

    Uchrashuv qatnashchilari, poytaxtda hayot darajasi va sifatini oshirish masalasi doimo diqqat markazida bo‘lishi kerakligini aytib o‘tishdi. Muhokama qilingan barcha masalalar bo‘yicha qarorlar qabul qilindi.

    » » Mirziyoyev Sergeliga er usti metrosi qurilishini tezlashtirishni buyurdi