7 378
Amnistiya bilan jazodan ozod qilingan shaxslar ijtimoiy hayotga moslashtiriladi, ish bilan ta’minlanadi
2016 yil 12 oktyabrda O‘zbekiston Respublikasi Oliy Majlisi Senatining "O‘zbekiston Respublikasi Konstitusiyasi qabul qilinganligining yigirma to‘rt yilligi munosabati bilan amnistiya to‘g‘risida"gi Qarori qabul qilindi.
Shu munosabat bilan Bosh prokuraturada joriy yilning 26 oktyabr kuni mazkur Qaror ijrosini tashkil etish masalalariga bag‘ishlangan idoralararo yig‘ilish bo‘lib o‘tdi.
Yig‘ilishda O‘zbekiston Respublikasi Oliy Majlisi Qonunchilik palatasi deputatlari va Senati a’zolari, Prezident Devoni, Vazirlar Mahkamasi, Oliy sud, jinoyat ishlari bo‘yicha Qoraqalpog‘iston Respublikasi, Toshkent shahar va viloyat sudlari, prokuratura organlari, adliya, ichki ishlar, sog‘liqni saqlash, mehnat vazirliklari, davlat soliq va bojxona qo‘mitalari, mahalliy davlat hokimiyati organlarining mas’ul xodimlari, shuningdek, Respublika "Mahalla" xayriya jamoat fondi hamda ommaviy axborot vositalari vakillari ishtirok etdi, deya xabar beradi Bosh prokuratura matbuot xizmati.
Tadbirda amnistiya aktining mazmun-mohiyati tushuntirildi, Qarorning qo‘llanilishi tartib-taomillarining ochiq-oshkora amalga oshirilishini ta’minlash va bu borada parlament va jamoatchilik nazoratini kuchaytirish, shuningdek kelgusida xato va kamchiliklarga yo‘l qo‘ymaslik hamda xodimlarning mas’uliyatini oshirish masalalari muhokama qilindi.
Amnistiya aktiga asosan, jazodan ozod qilingan shaxslarni ijtimoiy hayotga moslashtirish, foydali mehnat bilan shug‘ullanishlari hamda ularning qayta jinoyat sodir etmasliklari uchun ichki ishlar, mehnat va aholini ijtimoiy muhofaza qilish, sog‘liqni saqlash idoralari, fuqarolarning o‘zini o‘zi boshqarish organlari xodimlari o‘zaro hamkorlikda ish olib borishlari lozimligi ko‘rsatib o‘tildi.
Yig‘ilish yakunida mutasaddi idoralar tomonidan amnistiya akti ijrosini o‘z vaqtida, samarali va uyushqoqlik bilan ta’minlash borasida tegishli tavsiyalar ishlab chiqildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»