7 085
Qoraqalpog‘istonlik 113 yoshli «kartoshkachi momo»: «Uzoq umr ko‘rishning sirini men qayerdan bilay?»
1902 yilning 1 iyulida tavallud topgan Xudoyberganova Bikaxon momo Qoraqalpog‘iston Respublikasi To‘rtko‘l shahri, O‘zbekiston ovul fuqarolar yig‘inida istiqomat qiladi, deb xabar beradi «Bekajon» nashri.
To‘rt nafar farzandning onasi bo‘lgan 113 yoshli momo hozirgi kunda 70 nafardan ziyod nevara, chevara-yu evaralarning izzat-ikromida umrguzaronlik qilmoqda.
Momo o‘z yoshligini yodga olar ekan, kuch-g‘ayratga to‘lib turganida nimaiki mehnat bo‘lsa, qilib ketaverganini aytdi: «Kolxozda ertadan kechgacha tinim bilmay ishladim, ketmon bilan er chopdim, paxta ekdim, arava haydab, qo‘sh qo‘shdim, kanal qazdik».
Qayd etilishicha, momoning hamqishloqlari uni «kartoshkachi momo» deb atar ekan. Chunki u etishtirgan kartoshka navlari boshqalarnikidan farq qilib, ancha shirin bo‘lib pishar ekan.
Bikaxon momo uzoq umr ko‘rishning sir-u sinoati nimada ekanligi bilan bog‘liq savolga quyidagicha javob berdi: «E, bolam, men qayerdan bilay? Yoshligim mehnat bilan birpasda o‘tib ketib, pensiyaga chiqqanimni bilmay ishlayveribman. Bir kuni kolxoz buxgalteri pensiyamni qo‘limga tutganida hayron bo‘lganman-da».
«Qornimiz to‘yib ovqat emasak-da, sabr-qanoat qilganmiz. Shukur qilib yashaganmiz», – dedi momo.
Manba: www.daryo.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?