6 741
Atambaev Shavkat Mirziyoyev bilan uchrashuvda muhokama qilishni rejalashtirgan asosiy mavzusini aytdi
Qirg‘iziston prezidenti Almazbek Atambaevning O‘zbekistonga tashrifi davomida Xitoydan Fors ko‘rfaziga olib boruvchi temir yo‘l qurilishi istiqbollari muhokama qilinadi. Bu haqda «Interfaks»ga asoslanib «Kun.uz» sayti xabar bergan.
«Qirg‘iziston va Eron manfaatlaridan kelib chiqib aytadigan bo‘lsam, Xitoy-Qirg‘iziston-O‘zbekiston-Eron bo‘ylab o‘tuvchi temir yo‘l qurilishi masalasini muhokama etish mening O‘zbekiston va Xitoyga amalga oshiradigan tashriflarimdagi asosiy mavzu bo‘ladi», degan Atambaev Eron prezidenti Hasan Ruhoniy bilan uchrashuvidan keyin o‘tkazilgan brifing vaqtida.
O‘z navbatida Ruhoniy ham Eron tomoni ushbu temir yo‘l qurilishi tashabbusini to‘la qo‘llab-quvvatlashini ma’lum qilgan.
«Bu nafaqat bizning mamlakatimiz, balki butun mintaqa davlatlari manfaatlari uchun loyihadir», – degan Eron prezidenti. U o‘z mamlakati bu loyihani texnik tomondan qo‘llab-quvvatlashga tayyorligini ma’lum qilgan.
Xitoydan Fors ko‘rfazigacha olib boruvchi bu temir yo‘l qurilgan taqdirda Markaziy Osiyo mamlakatlari dengizga to‘g‘ridan-to‘g‘ri chiqishi mumkin bo‘ladi. Qirg‘iziston tomoni ma’lumotiga ko‘ra, ushbu yo‘lning yillik yuk tashish hajmi 15-20 million tonnani tashkil qiladi.
Joriy yilning 13 noyabr kuni O‘zbekiston tashqi iqtisodiy aloqalar, investisiya va savdo vaziri o‘rinbosari Baxtiyor Abdusamatov Bishkek shahrida bo‘lib o‘tgan Shanxay hamkorlik tashkilotiga a’zo mamlakatlar vazirlari kengashida O‘zbekiston Xitoy-Qirg‘iziston-O‘zbekiston temiryo‘li qurilishini qo‘llab-quvvatlashini ma’lum qildi.
Qirg‘iziston rahbari 24 dekabr kuni O‘zbekistonga kelishi kutilmoqda.
Tashrif doirasida Atambaev O‘zbekiston Prezidenti Shavkat Mirziyoyev bilan uchrashuv o‘tkazadi, tomonlar ikki tomonlama hamkorlikni rivojlantirish masalalarini muhokama qiladi.
Uchrashuv Samarqandda bo‘lib o‘tishi kutilmoqda. Atambaev, shuningdek, O‘zbekiston Birinchi Prezidenti Islom Karimovning qabrini ziyorat qilishni rejalashtirmoqda.
U 2017 yilning yanvari boshida Xitoyga boradi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi