Fotofakt: Kamerada qayd etilgan qoidabuzarlikka jarima solindi

  • 15 mart 2017, 19:41
  • 6 266
  • O‘zbekiston
  • Fotofakt: Kamerada qayd etilgan qoidabuzarlikka jarima solindi

    Ma’lumki, 2017 yil 15 mart soat 00:00 dan Toshkent shahrining 115 ta chorrahasida o‘rnatilgan kameralar belgilangan tartibda qoidabuzarliklarni qayd etishni boshlagani haqida avval xabar qilingan edi.

    O‘zbekiston ijtimoiy tarmoqlarida esa 15 mart kuni soat 03:36 da Qatortol-KXAY chorrahasida Kobalt rusumli avtomobil tomonidan qoidabuzarlik qayd etilgani va transport vositasining egasiga eng kam oylik ish haqining ikki baravari (299,550 so‘m) miqdorida jarima solinganiga doir fotosurat tarqaldi.

    Unda qoidabuzarlik qayd etilgan holat bo‘yicha Toshkent shahar IIBB YHXB inspektorining qaroriga ko‘ra, jarima solinganini ko‘rish mumkin.

    Jarima maktubida, shuningdek, avtomobil rusumi, davlat raqami qayerda qoida buzish sodir etilgani, avtomobil egasining ismi-sharifi, doimiy yashash manzili ham ko‘rsatilgan.

    Kun.uz ushbu fotosurat bo‘yicha O‘zbekiston Respublikasi IIV YHXBB matbuot xizmatiga murojaat qildi. Matbuot xizmatidagi manba suratning haqiqiyligini tasdiqladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Fotofakt: Kamerada qayd etilgan qoidabuzarlikka jarima solindi