Uchinchi “Afrosiyob” keldi, endi uchta yo‘nalishda qatnov amalga oshiriladi

Joriy yilning 10 aprel sanasidan boshlab, Toshkent-Samarqand-Toshkent yo‘nalishida ham yuqori tezlikda harakatlanuvchi elektropoezdlarning muntazam qatnovi yo‘lga qo‘yiladi, deb yozmoqda Qalampir.uz sayti.

Shu munosabat bilan “Afrosiyob” elektropoezdlarining harakatlanish vaqti belgilandi. Toshkent-Qarshi-Toshkent yo‘nalishida harakatlanadigan 760/759-sonli “Afrosiyob” elektropoezdi kunning birinchi qismida ertalab soat 7:00 da Toshkent markaziy vokzalidan manzil tomon harakatlansa, kunning ikkinchi qismida soat 16:48da Qarshi vokzalidan ortga qaytadi.

Toshkent-Buxoro-Toshkent yo‘nalishidagi 762/761-sonli elektropoezd esa soat 7:30 da poytaxtdan Buxoro tomon harakatni boshlab, shu kuni 15:51da ortga qaytadi.

Toshkent-Samarqand-Toshkent yo‘nalishida yo‘lga qo‘yilgan 764/763-sonli yuqori tezlikdagi “Afrosiyob” esa ertalab soat 8:00da vokzaldan jo‘nab, kunning ikkinchi qismi 17:00 da Toshkentga qaytadi.

Shu bilan bir qatorda mazkur sanadan boshlab, Toshkent-Buxoro yo‘nalishidagi “Sharq”, Toshkent-Qarshi yo‘nalishidagi “Registon” hamda 380/379-sonli Toshkent-Termiz yo‘nalishidagi yo‘lovchi poezdlar harakatlanish vaqtiga ham o‘zgarishlar kiritildi.

Eslatma: Toshkent-Buxoro-Toshkent yo‘nalishida harakatlanayotgan “Afrosiyob” elektropoezdiga 10 aprel sanasidan keyingi qatnov kunlarida chipta xarid qilgan yo‘lovchilar harakat jadvaliga kiritilgan o‘zgarishlarni inobatga olishlari kerak. Ya’ni shu kundan poezd Buxoroga 8:00 da emas, balki 7:30 da harakatlana boshlaydi. Xarid qilingan chiptalarni esa chiptaxonadan almashtirmasdan turib, yangi ko‘rsatilgan vaqtda foydalanish mumkin. “Zamin” yangiliklarini “Instagram”da kuzatib boring