12:37 / 15.04.2017
8 388

Mirziyoyev: Karimov maqbarasini Milliy gvardiya faxriy qorovuli doimiy ravishda qo‘riqlaydi

Mirziyoyev: Karimov maqbarasini Milliy gvardiya faxriy qorovuli doimiy ravishda qo‘riqlaydi
O‘zbekiston Respublikasi Prezidenti Shavkat Mirziyoyev 14 aprelda joylarda amalga oshirilayotgan bunyodkorlik va obodonlashtirish ishlari, ijtimoiy-iqtisodiy islohotlarning borishi bilan yaqindan tanishish, xalq bilan muloqot qilish maqsadida Samarqand viloyatiga tashrif buyurgani haqida avval xabar berilgan edi.

Shavkat Mirziyoyev Samarqandga tashrifini Hazrati Xizr majmuasida qo‘nim topgan O‘zbekistonning Birinchi Prezidenti Islom Karimov qabrini ziyorat etishdan boshladi hamda bu erda barpo etish rejalashtirilayotgan maqbara loyihasi bilan tanishib, o‘z fikrlarini bildirdi, deb yozadi Kun.uz nashri.

“Hazrati Xizr ziyoratgohida juda katta ilm-fan nurini barpo qilishimiz kerak. Maqbara atrofi ilmga hamohang bo‘lishi lozim. Bu erga kelgan ziyoratchi, Islomga aloqasi bor kishi o‘ziga bilim olib ketsin. Islom Karimovning O‘zbekiston uchun qilgan mehnatlarini shu erda aks ettirishimiz kerak. Bu bizning burchimiz. Xorijdan kelganlar o‘zbek madaniyati, hunarmandchiligi, xususan, yog‘och o‘ymakorligining eng go‘zal namunalari bilan tanishsin. Maqbaraning ichida Qur’ondan oyatlar bo‘lishi kerak. Shu bilan birga, Islom Karimovning ma’naviyat, Islom dini, Vatan haqida aytgan gaplari arab tilida bitilishi lozim”, - degan O‘zbekiston Prezidenti.

Uning aytishicha, mamlakatga kelgan xorijliklar, bu maskanni ziyorat qilar ekan, o‘zbek millatining qadimiy tarixga ega xalq ekaniga iqror bo‘lgan holda tark etishlari uchun sharoit barpo qilish kerak bo‘ladi.

“Bu erda doimiy ravishda 10 askar navbatchilik qiladi. Milliy gvardiya askarlari”, - deya fikr bildirgan Shavkat Mirziyoyev.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Mirziyoyev: Karimov maqbarasini Milliy gvardiya faxriy qorovuli doimiy ravishda qo‘riqlaydi