07:46 / 02.05.2017
7 048

Shavkat Mirziyoyev Turkmaniston prezidenti bilan telefon orqali gaplashdi

Shavkat Mirziyoyev Turkmaniston prezidenti bilan telefon orqali gaplashdi
O‘zaro kelishuvga muvofiq O‘zbekiston Respublikasi Prezidenti Shavkat Mirziyoyev bilan Turkmaniston Prezidenti Gurbanguli Berdimuhamedov o‘rtasida 1 may kuni telefon orqali muloqot bo‘lib o‘tdi. Bu haqda Kun nashri xabar berdi.

Davlat rahbarlari Prezidentimizning shu yil 6-7 mart kunlari Turkmanistonga davlat tashrifi chog‘ida erishilgan kelishuvlar va imzolangan hujjatlarni amalga oshirish jarayonini muhokama qildilar.

Tomonlar siyosiy, savdo-iqtisodiy, transport-kommunikasiya va madaniy-gumanitar sohalar bo‘yicha yuksak darajadagi aloqalar izchil rivojlanayotganini mamnuniyat bilan qayd etdilar.

Bugungi kunda agrosanoat kompleksidagi, temir yo‘l tizimini ta’mirlash va modernizasiya qilish va boshqa sohalardagi savdo shartnomalari va qo‘shma kooperasiya loyihalari keng ko‘lamda amalga oshirilmoqda.

Davlat rahbarlari belgilangan dasturlar va hamkorlik loyihalarini, avvalambor, iqtisodiy sohadagi loyihalarni o‘z vaqtida amalga oshirish maqsadida yanada faol hamkorlik qilish muhimligini ta’kidladilar.

Mintaqaviy va xalqaro ahamiyatga molik dolzarb masalalar yuzasidan atroflicha fikr almashildi, shuningdek, yaqin istiqboldagi qo‘shma tadbirlar jadvali kelishib olindi.

Turkmaniston Prezidenti Gurbanguli Berdimuhamedov qardosh O‘zbekiston xalqiga ezgu istaklarini bildirdi.

Suhbat O‘zbekiston – Turkmaniston munosabatlariga xos samimiy va do‘stona, o‘zaro anglashuv, hurmat va yaqin qo‘shnichilik ruhida o‘tdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Shavkat Mirziyoyev Turkmaniston prezidenti bilan telefon orqali gaplashdi