Mirziyoyev Vetnam prezidentiga hamdardlik bildirdi

  • 09 avgust 2017, 08:56
  • 3 517
  • O‘zbekiston
  • Mirziyoyev Vetnam prezidentiga hamdardlik bildirdi
    O‘zbekiston Respublikasi Prezidenti Shavkat Mirziyoyev Vetnam Sosialistik Respublikasi Prezidenti Chan Day Kuanga ushbu mamlakat shimolida yuz bergan hamda ko‘plab insonlarning halok bo‘lishi va vayronagarchiliklarga olib kelgan keng ko‘lamli suv toshqini munosabati bilan maktub yo‘lladi. Bu haqda «TIV matbuot xizmati»ga tayanib «Kun.uz» xabar berdi.

    “Samimiy ta’ziyamni qabul qilishingizni hamda halok bo‘lganlarning oila a’zolari va yaqinlariga hamdardlik va dalda so‘zlarimni etkazishingizni so‘rayman, jabr ko‘rganlar tezroq sog‘ayib ketishini tilayman”, - deyiladi davlat rahbari maktubida.

    Avvalroq Vetnamdagi suv toshqinlarida 26 kishi halok bo‘lgani, talafot qiymati 41 million dollarni tashkil qilayotgani haqida xabar berilgandi.

    » » Mirziyoyev Vetnam prezidentiga hamdardlik bildirdi