10:38 / 19.09.2017
5 632

Xorijiy mutaxassislar talabalar uchun onlayn mahorat darslari o‘tkazadi

Xorijiy mutaxassislar talabalar uchun onlayn mahorat darslari o‘tkazadi
Vazirlar Mahkamasining 2017 yil 5 sentyabrdagi 697-son qarori bilan Oliy va o‘rta maxsus ta’lim vazirligi huzurida Talabalar ilmiy-ma’rifiy markazini tashkil etish to‘g‘risidagi taklif ma’qullandi, deb yozmoqda “Norma” sayti.

Hujjatda Markazning asosiy vazifalari belgilab berildi. Xususan, Markaz yoshlarning ilmiy-tadqiqot faoliyat olib borishi uchun ilmiy munozara-klublar shakllantirish, yoshlar tomonidan ishlab chiqilgan dasturiy mahsulotlarga mualliflik guvohnomalarini rasmiylashtirish, ommalashtirish va tijoratlashtirish jarayonlarida ko‘maklashish, mahalliy va xorijiy yetuk mutaxassislar ishtirokida masofaviy onlayn mahorat darslari o‘tkazish bilan shug‘ullanadi.

Belgilanishicha, Markaz xodimlariga Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq to‘lash va moddiy rag‘batlantirish shartlari qo‘llaniladi.

Markaz qurilishi uchun Toshkent shahri, Olmazor tumani, Talabalar shaharchasi hududidagi Universitet ko‘chasi bo‘yidan 3 gektar yer maydoni ajratiladi. Qurilish va jihozlash ishlari 2018 yil 1 sentyabrgacha tugallanishi lozim.

Markaz faoliyatini ilmiy-metodik jihatdan qo‘llab-quvvatlash, xalqaro aloqalarni rivojlantirish, yoshlarning ilmiy-tadqiqot ishlarini muvofiqlashtirish bo‘yicha barcha oliy ta’lim muassasalari ilmiy ishlar bo‘yicha prorektorlari Kengashi tashkil etiladi.

Hujjat 2017 yil 11 sentyabrda kuchga kirdi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Xorijiy mutaxassislar talabalar uchun onlayn mahorat darslari o‘tkazadi