6 980
Statistika: O‘zbekistonda har yuz uy xo‘jalikka nechta avtomobil to‘g‘ri kelishi ma’lum qilindi
O‘zbekiston Davlat statistika qo‘mitasi aholi turmush darajasiga oid statistik ma’lumotlarni e’lon qildi. Unga ko‘ra, aholining shaxsiy yengil avtomobillar bilan ta’minlanganlik darajasi 2017 yil yakunlariga kelib har yuzta uy xo‘jaligiga 44 taga yetdi.
Shuningdek, har yuzta uy xo‘jaligiga to‘g‘ri kelgan televizorlar soni 154 tani tashkil etib, 2000 yilga nisbatan 1,7 martaga oshgan. Konditsionerlar – 34 dona (2000 yilga nisbatan o‘sish — 3,1 barobar), elektr changyutgichlar – 54 dona (o‘sish 1,8 barobar), kir yuvish mashinalari – 80 donani (o‘sish 1,1 barobar) tashkil etdi.
2017 yil yakunlariga ko‘ra, 100 ta uy xo‘jaligiga to‘g‘ri kelgan shaxsiy kompyuterlar 50 donani (2000 yilda esa bu ko‘rsatkich 0,2 donani tashkil qilgan) tashkil etgan bo‘lsa, 2000-2017 yillar mobaynida uyali aloqa telefonlari bilan ta’minlanganligi 14,4 barobarga oshdi (2017 yil yakuniga kelib har 100 ta uy xo‘jaligiga 257 tadan, ya’ni har bir uy xo‘jaligiga 2,6 tadan uyali aloqa telefonlari to‘g‘ri keldi).
2017 yilning yanvar-dekabr holatiga kuzatuv ma’lumotlariga ko‘ra respublika aholisining 97,9% shaxsiy hovli yoki kvartiraga ega. Bu ko‘rsatkich qishloq joylarida istiqomat qiluvchi aholi bo‘yicha 99,3% ni tashkil etmoqda. Ushbu ko‘rsatkichlar 2000 yilda mos ravishda 93,7 va 95,4% ni tashkil etgan edi.
Qo‘mitaning ta’kidlashicha, uy xo‘jaliklarida o‘tkaziladigan tanlama kuzatuvlar respublikaning barcha hududlarini qamrab olgan holda yiliga jami 10 000 ta uy xo‘jaliklarida o‘tkaziladi. Bunda 120 dan ortiq mutaxassis (intervyuyerlar) tomonidan bevosita uy xo‘jaligi a’zolari bilan suhbatlashish orqali ma’lumotlar olinadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!