Bugun, 26 mart kuni O‘zbekiston Respublikasi prezidenti Shavkat Mirziyoyev AQSh Davlat kotibining siyosiy masalalar bo‘yicha o‘rinbosari Tomas Shennonni qabul qildi. U mamlakatga Afg‘oniston bo‘yicha «Tinchlik jarayoni, xavfsizlik sohasidagi hamkorlik va mintaqaviy o‘zaro aloqalar» yuqori darajadagi xalqaro konferensiyada ishtirok etish kelgan AQSh AQSh delegatsiyasiga rahbarlik qilmoqda. Bu haqda davlat rahbari matbuot xizmati xabar berdi.
Davlat rahbari mehmonni tashrifi bilan qutlar ekan, qo‘shma sa’y-harakatlar tufayli o‘zbek-amerika munosabatlari yangi rivojlanish dinamikasiga ega bo‘lganini alohida ta’kidlab o‘tdi. Oliy va yuqori darajadagi ikki tomonlama aloqalar O‘zbekiston bilan AQSh o‘rtasidagi strategik sheriklikni mustahkamlashga, uni yanada to‘ldirishga yordam beradi.
Ikki mamlakat o‘rtasidagi muntazam siyosiy muloqotga yuksak baho berildi. AQShning yetakchi kompaniyalari va banklari bilan savdo, sarmoya hamda yuqori texnologiyalar sohalarida qo‘shma loyihalarni amalga oshirish bo‘yicha o‘zaro manfaatli hamkorlikni kengaytirish muhimligi qayd etildi.
Uchrashuvda Afg‘onistondagi vaziyat haqida fikr almashildi. Ta’kidlandiki, tomonlar afg‘on mojarosini hal etish uchun tinch siyosiy jarayonning tezroq boshlanishi tarafdoridir.
Afg‘oniston hukumatining mamlakatdagi tinchlik va barqarorlikni mustahkamlash, bu davlatning mintaqaviy iqtisodiy hamkorlik jarayonlariga integratsiyalashuvi borasidagi sa’y-harakatlari qo‘llab-quvvatlanishi tasdiqlandi.
Foto: Prezident matbuot xizmati
O‘zbekiston Respublikasi prezidenti AQSh prezidenti Donald Trampga Afg‘oniston bo‘yicha Toshkent konferensiyasini o‘tkazish tashabbusini qo‘llab-quvvatlagani va uning ishida AQShning nufuzli delegatsiyasi ishtirok etayotgani uchun minnatdorlik bildirdi.
AQSh Davlat kotibi o‘rinborasi Tomas Shannon ushbu forumda ishtirok etishga taklif etilgani uchun samimiy minnatdorlik bildirdi. Ushbu muhim xalqaro tadbirning o‘z vaqtida o‘tkazilayotgani va dolzarbligiga alohida e’tibor qaratildi.
Amerikalik diplomat mamlakatda davlat boshqaruvi va fuqarolik jamiyatini rivojlantirish bo‘yicha o‘zgarishlar, shuningdek, iqtisodiy islohotlar yuqori baholadi.
Mamlakat rahbariyati nomidan u AQSh O‘zbekiston bilan ko‘p qirrali hamkorlikni yanada kengaytirish va strategik sheriklikni mustahkamlash tarafdori ekanini yana bir bor tasdiqladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
