Hukumat qarori: “Chorvoq” erkin turistik zonasi tashkil etildi

  • O‘zbekiston
  • 18-05-2018, 17:56
  • 530
  • Ҳукумат қарори: “Чорвоқ” эркин туристик зонаси ташкил этилди
    “Chorvoq” erkin turistik zonasi faoliyatini tashkil etish chora-tadbirlari to‘g‘risidagi hukumat qarori qabul qilindi. Bu haqda “Huquqiy axborot” telegram-kanaliga tayanib Kun nashri xabar berdi.

    Qaror bilan “Chorvoq” erkin turistik zonasi chegaralari (94 805,32 gektar), erkin turistik zonani yanada rivojlantirish konsepsiyasi, Ustavi, yo‘l-transport, muhandislik-kommunikatsiya va ishlab chiqarish infratuzilmasini rivojlantirish dasturi tasdiqlanib, “Chorvoq” erkin turistik zonasi direksiyasi” tashkil etildi.

    Eslatib o‘tamiz, “Chorvoq” erkin turistik zonasi Toshkent viloyatining turizm salohiyatidan foydalanish samaradorligini oshirish, zamonaviy investitsiya loyihalarini amalga oshirish orqali aholining dam olishi va turizmi uchun sharoitlarni yaxshilash, turizm xizmatlari sohasida yangi ish o‘rinlari tashkil etish va aholi bandligi hamda farovonligini oshirish maqsadida 2017 yil 5 dekabrdagi prezident farmoniga asosan tashkil etilgan.

    » » Hukumat qarori: “Chorvoq” erkin turistik zonasi tashkil etildi
    Яндекс.Метрика