Prezident qarori: Yangi o‘quv yili uchun qabul kvotasi belgilandi

  • 05 iyun 2018, 23:43
  • 10 773
  • O‘zbekiston
  • Президент қарори: Янги ўқув йили учун қабул квотаси белгиланди
    O‘zbekiston Respublikasi prezidentining «2018/2019 o‘quv yilida O‘zbekiston respublikasining oliy ta’lim muassasalariga o‘qishga qabul qilish to‘g‘risida»gi qarori qabul qilindi.

    Qarorga ko‘ra, aniq yo‘nalish va mutaxassisliklar bo‘yicha tayyorgarlikka ega bo‘lgan oliy ta’lim muassasalari bitiruvchilariga nisbatan istiqbolga mo‘ljallangan talab-ehtiyoj, shuningdek, bitiruvchilarning tanlangan mutaxassislik bo‘yicha ishga joylashuvi monitoringi ma’lumotlari asosida 2018/2019 o‘quv yili uchun oliy ta’lim muassasalariga o‘qishga qabul qilish kvotalari shakllantirildi.

    2018/2019 o‘quv yilida O‘zbekiston Respublikasi oliy ta’lim muassasalariga o‘qishga qabul qilish bo‘yicha umumiy kvota:

    - bakalavrlar uchun 69.200 nafar, shu jumladan, davlat grantlari bo‘yicha – 17.654 nafar va to‘lov-kontrakt asosida – 51.546 nafar;

    - magistrlar uchun 5.903 nafar, shu jumladan, davlat grantlari bo‘yicha – 1.552 nafar va to‘lov-kontrakt asosida – 4.351nafar;

    - maxsus sirtqi bo‘limlarda bakalavrlar uchun 11.765 nafar, shu jumladan, davlat grantlari bo‘yicha – 15 nafar va to‘lov-kontrakt asosida – 11.750 nafar etib belgilansin.

    2018/2019 o‘quv yilidan boshlab oliy ta’lim muassasalarida «Maktabgacha ta’lim» bakalavriat ta’lim yo‘nalishi bo‘yicha kadrlar tayyorlash o‘qish muddati 3 yil bo‘lgan bakalavriat ta’lim dasturlari doirasida amalga oshiriladi.

    O‘zbekiston Respublikasi Sog‘liqni saqlash vazirligi, Oliy va o‘rta maxsus ta’lim vazirligi, Farg‘ona viloyati hokimligining 2018/2019 o‘quv yilidan boshlab Toshkent tibbiyot akademiyasining Farg‘ona filialiga o‘qishga qabul qilishni qaytadan tiklash haqidagi taklifiga rozilik berilmoqda.

    Belgilanmoqdaki:
    • oliy ta’lim muassasalarining sirtqi va kechki ta’lim bo‘limlariga umumiy qabul kvota respublika oliy ta’lim muassasalari bakalavriatiga 2018/2019 o‘quv yili uchun tasdiqlangan umumiy qabul kvotasining 30 foizigacha bo‘lgan miqdorida belgilanadi;
    • oliy ta’lim muassasalarining sirtqi va kechki ta’lim bo‘limlarida o‘qitish to‘lov-kontrakt asosida amalga oshiriladi;
    • oliy ta’lim muassasalarining sirtqi va kechki ta’lim bo‘limlarida o‘qitish qiymati tegishli bakalavriat ta’lim yo‘nalishi bo‘yicha kunduzgi o‘qitish shakli qiymatidan kam bo‘lmagan miqdorida belgilanadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    Qoldirilgan fikrlar (1)

    1. Dilnoza 11 мая 2019 18:43
      Kvota soni oshgani yaxshi bo'libdi
      0
    » » Prezident qarori: Yangi o‘quv yili uchun qabul kvotasi belgilandi