O‘zbekistonda 1 noyabrdan eng kam oylik ish haqi miqdori oshiriladi

  • 13-10-2018, 22:02
  • 1 926
  • O‘zbekiston
  • O‘zbekistonda 1 noyabrdan eng kam oylik ish haqi miqdori oshiriladi
    2018 yilning 1 noyabridan boshlab byudjet tashkilotlari xodimlarining ish haqi, pensiyalar, stipendiyalar hamda nafaqalar miqdori 1,1 baravar oshiriladi. Bugun O‘zbekiston Respublikasi Prezidenti Shavkat Mirziyoyevning shu haqdagi tegishli farmoni e’lon qilindi.

    Farmonga muvofiq, 1 noyabrdan e’tiboran O‘zbekiston Respublikasi hududida eng kam:
    • ish haqi — oyiga 202 730 so‘m;
    • yoshga doir pensiyalar — oyiga 396 500 so‘m;
    • bolalikdan nogironlarga beriladigan nafaqa — oyiga 396 500 so‘m;
    • zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa oyiga 243 300 so‘m miqdorida belgilandi.

    Ish haqi hamda pensiyalarga qo‘shilgan ustama va qo‘shimcha haqlarning barcha turlari, eng kam ish haqiga nisbatan belgilangan kompensatsiya va boshqa to‘lovlar 2018 yilning 1 noyabridan boshlab mazkur Farmonda belgilangan eng kam ish haqi miqdoridan kelib chiqqan holda amalga oshiriladi.

    Eslatib o‘tamiz, O‘zbekistonda ish haqi, pensiyalar, stipendiyalar va nafaqalar miqdori so‘nggi marta shu yilning 15 iyulidan o‘rta hisobda 1,07 baravar oshirilgan edi.

    » » O‘zbekistonda 1 noyabrdan eng kam oylik ish haqi miqdori oshiriladi