2018 yilning oxiriga qadar O‘zbekiston iqtisodiyotiga chet ellik sayyohlardan kelgan daromad 951 mln dollarni tashkil etishi mumkin. Bu haqda Turizmni rivojlantirish davlat qo‘mitasi raisi Abdulaziz Oqqulov Turizm bo‘yicha xalqaro investitsion forumga bag‘ishlangan matbuot anjumanida aytib o‘tdi.
Yuqorida aytilgan daromad summasini aniqlash uchun Turizmni rivojlantirish davlat qo‘mitasi boshqa idoralar bilan birgalikda bir oy davomida O‘zbekistonga kelgan sayyohlar o‘rtasida so‘rov o‘tkazgan. So‘rov natijalariga ko‘ra differensial hisob-kitoblar amalga oshirilgan.
Oldinroq Davlat statistika qo‘mitasi 9 oy davomida O‘zbekistonga 4,7 mln nafar chet ellik tashrif buyurganini ma’lum qilgandi. Ularning 7 foizi – 327,2 ming kishi sayohatga, qolgani esa qarindoshlarini yo‘qlash maqsadida kelgan.
Turizm qo‘mitasi raisi Abdulaziz Oqqulovning aytishicha, xorijlik turistlar soni 10 oyda 4,4 mln.ni tashkil etgan, bunda qarindoshlarini yo‘qlashga kelganlar ham qo‘shib hisoblanishi shart. 327 ming odam esa faqat turistik firmalar orqali guruh bo‘lib kelgan sayyohlardir.
"Biz sayyohlar sonini xalqaro standartlarga muvofiq hisoblab chiqdik. Bunda tranzit orqali o‘tgan va qisqa muddatga kelgan chet elliklarni hisobga olmadik. Boshqa mamlakatlar ham xuddi shunday hisoblaydi. Misol uchun, o‘tgan yili Malayziyaga 26 mln sayyoh kelgani hisoblangan, shundan 13 mln sayyoh unga qo‘shni bo‘lgan Singapurdan kelgan. Biroq, barchamiz bilamizki, Singapur aholisi faqatgina 5,6 mln kishini tashkil qiladi", – dedi Turizmni rivojlantirish davlat qo‘mitasi raisi.
Abdulaziz Oqqulovning fikricha, ushbu ko‘rsatkichlar sayyohlik infratuzilmasi salohiyatini baholash, rivojlanish rejalarini ishlab chiqish va turizmdan olingan daromadlarni hisoblash uchun zarurdir.
2018 yil 19 noyabrdan 21 noyabrgacha "O‘zekspomarkaz"da birinchi Xalqaro investitsion forum o‘tkaziladi. Unda qariyb 500 kishi qatnashishi kutilmoqda, ulardan 175 tasi xorijiy investorlardir. Forumda 600 dan ziyod investitsiya loyihasi namoyish etiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Sirdaryoda budjetga juda ko‘p miqdorda zarar yetkazgan mayning ferma aniqlandi
Buxoro viloyatida «Neksiya-3» avtomashinasi buklanib qoldi
Erdo‘g‘on: «Isroil Gitlerdan ham o‘tib ketdi»
Davlat xavfsizlik xizmati maklerlarga qo‘shib mansabdorlarni ham qo‘lga oldi
"Dollarfurush"larga qarshi katta "ov" bo‘lib o‘tdi
O‘zbekistonda xususiy mulk va mulkdorlar huquqlari himoyasi kuchaytiriladi
