2018-yilning 13 dekabr kuni Toshkent shahrida O‘zbekiston Respublikasi va Litva Respublikasi tashqi ishlar vazirliklari delegatsiyalari o‘rtasida siyosiy maslahatlashuvlarning 7-raundi bo‘lib o‘tdi. Bu haqda Kun.uz xabar bermoqda.
O‘zbekiston tashqi ishlar vazirining o‘rinbosari Dilshod Axatov va Litva tashqi ishlar vitse-vaziri Darius Skusevichus boshchiligidagi delegatsiyalar ikki tomonlama munosabatlarning holati va istiqbollari, turli ko‘p tomonlama shakllarda, jumladan O‘zbekiston - Yevropa ittifoqi shaklidagi hamkorlik masalalarini muhokama qildilar va dolzarb xalqaro va mintaqaviy mavzular yuzasidan fikr almashdilar.
Siyosiy, savdo-iqtisodiy, investitsion, madaniy-gumanitar, turizm va boshqa sohalarda O‘zbekiston - Litva muloqotini yanada rivojlantirishning ustuvor yo‘nalishlari ko‘rib chiqildi.
Tomonlarni qiziqtirgan barcha sohalarda uzoq muddatli va o‘zaro manfaatli asosda aloqalarni o‘rnatishdan manfaatdorlik tasdiqlandi.
Uchrashuvda o‘zaro savdo-sotiqning ijobiy dinamikasi mamnuniyat bilan qayd etildi. Xususan, joriy yilning 10 oyi davomida tovar aylanmasi 2017 yilning shu davriga nisbatan 10 foizga oshdi. Shu bilan birga, innovatsiya, transport va logistika, oziq-ovqat va farmatsevtika sanoati, qishloq xo‘jaligi sektori kabi iqtisodiyot sohalarida mavjud salohiyatdan to‘liq foydalanilmaganligi ta’kidlandi.
Shuningdek, Iqtisodiy hamkorlik bo‘yicha hukumatlararo komissiya, Qishloq xo‘jaligi sohasidagi qo‘shma ishchi guruhi majlislari va boshqa tadbirlarni 2019 yilda o‘tkazish jadvali yuzasidan fikr almashildi.
O‘zbekiston tomoni Litva vakillariga kelgusi yil Toshkent shahrida bo‘lib o‘tadigan «Markaziy Osiyo: yangi imkoniyatlar va mintaqaviy hamkorlik istiqbollari» mavzusidagi xalqaro konferensiyada ishtirok etish taklifi bilan chiqdi.
Maslahatlashuvlarda Litva elchisi Remigiyus Motuzas ishtirok etdi, deyiladi xabarda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Aleksandr Lukashenko: “Rossiyadagi saylov natijalari G‘arb aralashuvi ustidan g‘alaba qozondi”
Isroilda minglab odamlar garovga olinganlarni ozod qilishni talab qildi
Xurmoning qanday foydali xususiyatlari mavjud?
Putin: Yangi vazifalar, NATO, Ukraina va Fransiya bilan munosabatlar
Vaqt hech kimni ayamaydi: Jeki Channing yangi suratlari muxlislarni tashvishga soldi
Qirg‘iziston prezidenti masjidda namoz o‘qib, iftorlik berdi
Xitoy TIV: AQSH dunyodagi eng yirik dezinformatsiya manbai