Oʻzbekistonga koʻp martalik viza narxi maʼlum boʻldi

  • 13 mart 2019, 16:30
  • 1 504
  • O‘zbekiston
  • Oʻzbekistonga koʻp martalik viza narxi maʼlum boʻldi
    Koʻp martalik uch yillik viza rasmiylashtirganlik va berganlik uchun konsullik yigʻimi miqdori belgilandi, deb yozmoqda Norma.

    Qayd etilishicha, prezidentning 6.03.2019 yildagi PF–5684-son farmoni bilan Oʻzbekiston Respublikasi konsullik yigʻimlari tarifiga qoʻshimcha kiritildi.

    Eslatib oʻtamiz, EKIHning (investitsiya kiritish vaqtida oʻrnatilgan) 8 500 baravaridan kam boʻlmagan miqdorda xoʻjalik jamiyatlarining aksiyalari va ulushlarini sotib olish, shuningdek xorijiy korxona tashkil etish shaklida Oʻzbekistonga investitsiya kiritgan chet el fuqarolari va fuqaroligi boʻlmagan shaxslar koʻp martalik 3 yillik viza rasmiylashtirishlari mumkin. Uning amal qilish muddatini Oʻzbekistondan chiqmasdan cheklanmagan miqdorda uzaytirish mumkin.

    Bunday vizani rasmiylashtirganlik va berganlik uchun konsullik yigʻimi – 350 AQSH dollari undiriladi.

    Hujjat 6.03.2019 yildan kuchga kirdi.

    » » Oʻzbekistonga koʻp martalik viza narxi maʼlum boʻldi