“Mening fikrim” jamoaviy murojaatlar portalida “Abituriyent telekanali”ni tashkil etish haqida petitsiya e’lon qilindi.
Bildirilishicha, xalqimiz azal-azaldan ilmga chanqoq bo‘lib, innovatsion g‘oyalarni ilgari suruvchi va yangilikka intiluvchi xalq sifatida dunyoga tanilgan. Shu sababli, bugungi kunda ham yurtimizda yoshlarning bilim olishlari, barkamol avlod bo‘lib voyaga yetishlari uchun keng ko‘lamli islohotlar amalga oshirilmoqda. Hozirda yoshlarning oliy ta’lim tizimida sifatli bilim olishlari va o‘z sohalarining yetuk mutaxassislari bo‘lishlari uchun barcha shart-sharoitlar yaratilmoqda.
“Shu maqsadda, o‘rta maxsus ma’lumotga ega bo‘lgan bitiruvchilar ham bor kuch-g‘ayratlarini oliy ta’lim muassasasiga kirishga sarflashadi. Abituriyentlar yurgan yo‘llarida o‘qib, izlanib, radio va telekanallar orqali ta’lim sohasiga taalluqli bo‘lgan turli yangiliklarni kuzatib borishadi”, - deb yozadi murojaat muallifi.
Ta’kidlanishicha, hozir mamlakatda radio tinglovchilar va televideniye muxlislari orasida abituriyentlar salmoqli o‘ringa ega. Agar abituriyentlar uchun ham maxsus telekanal tashkil etilib, u orqali fanlarga doir tavsiya va tushuntirishlar berib boriladigan bo‘lsa, abituriyentlarning bilim va ko‘nikmalari yanada ortadi. Maxsus telekanalning tashkil etilishi ko‘plab qulayliklarning yuzaga kelishiga sabab bo‘lishi aytiladi.
“Yuqoridagi fikrlarga asoslangan holda, “Abituriyent telekanali”ni tashkil etishni taklif qilaman”, - deyiladi petitsiyada. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
AQSHning Suriyadagi harbiy bazasiga raketalar hujum qildi
Ramzan Qodirovning 19 yoshli qizi medal bilan taqdirlandi
Akademik Qodir G‘ulomov Qo‘shrabotda bo‘ldi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Shveysariya prezidenti Putinga maktub yo‘lladi
O‘zbekistonda o‘tgan uch oyda qancha avtomobil ishlab chiqarilgan?
Damas uchun onlayn kontraktatsiya ochiladi