“Hududlar. Jizzax viloyati” pochta markalari muomalaga chiqarildi

  • 04 yanvar 2016, 10:44
  • 10 386
  • O‘zbekiston
  • “Hududlar. Jizzax viloyati” pochta markalari muomalaga chiqarildi

    “O‘zbekiston pochtasi” AJ tomonidan tayyorlanib, Axborot texnologiyalari va kommunikasiyalarini rivojlantirish vazirligi tomonidan “Hududlar. Jizzax viloyati” nomli pochta markalari turkumi muomalaga kiritildi. Bu haqda Uz24.uz xabar berdi.

    Pochta markalari turkumi zanjir ko‘rinishida chop etilgan. Turkum 2 ta pochta markasi va oraliqda joylashgan kupondan iborat.
    Pochta markalarida Jizzax viloyatining zamonaviy inshooti va ko‘li tasvirlangan. Kuponda viloyatning geografik xaritasi hamda tashkil topgan yili, maydoni, aholi soni va viloyat markazi ko‘rsatilgan.
    Pochta markalari bir necha rangda ishlangan. O‘lchami 42x30 mm. Adadi 10 ming nusxa.


    » » “Hududlar. Jizzax viloyati” pochta markalari muomalaga chiqarildi