Shavkat Mirziyoyev Samarqand aeroportini rekonstruksiya qilish bo‘yicha ko‘rsatma berdi

^{Foto: Prezident matbuot xizmati}
Shavkat Mirziyoyev Samarqand xalqaro aeroportining o‘zidayoq mazkur aeroportni rivojlantirishga oid loyiha bilan tanishdi. Bu haqda Prezident matbuot xizmati ma’lum qildi.

Xususan, bu yerda yana bir terminal qurish, uchish-qo‘nish yo‘lagini rekonstruksiya qilish, samolyotlar turargohini kengaytirish, radiolokatsiya tizimlarini takomillashtirish rejalashtirilgan.

Yangi aerovokzal esa barcha xalqaro talablarga javob beradigan, soatiga 600 yo‘lovchiga xizmat ko‘rsatadigan bo‘ladi.

^{Foto: Prezident matbuot xizmati}
Davlat rahbari zamonaviy boshqaruvni joriy qilish, rekonstruksiya mobaynida esa poyezd va avtobuslar qatnovini ko‘paytirish, aholi va turistlarga muqobil qulayliklar yaratish bo‘yicha ko‘rsatmalar berdi. “Zamin” yangiliklarini “Vkontakti”da kuzatib boring