2 304
Mun Chje In koreys millati vakillariga ko‘rsatilayotgan iliq munosabat uchun O‘zbekiston xalqiga tashakkur izhor qildi
O‘zbekiston Respublikasi Oliy Majlisi Senati raisi Tanzila Norboyeva boshchiligidagi parlament delegatsiyasining Koreya Respublikasi prezidenti Mun Chje In bilan uchrashuvi bo‘lib o‘tdi. Bu haqda O‘zbekiston Respublikasi Oliy Majlisi Senatining axborot xizmati xabar qilmoqda.
Koreya Respublikasi prezidenti Mun Chje In O‘zbekiston Respublikasi parlamenti delegatsiyasini qutlar ekan, joriy yil aprel oyida O‘zbekistondagi iliq va samimiy qabul uchun O‘zbekiston Respublikasi prezidenti Shavkat Mirziyoyevga yana bir bor o‘z minnatdorligini bildirdi.
Mun Chje In O‘zbekistonda amalga oshirilayotgan keng qamrovli islohotlar va yangilanishlarga yuqori baho berdi, deyiladi xabarda.
Koreya Respublikasi prezidenti ikki mamlakat o‘rtasidagi munosabatlar barcha yo‘nalishlarda faol rivojlanayotganligini mamnuniyat bilan qayd etdi. Davlat rahbarlari o‘rtasidagi yaqin va ishonchli aloqalar O‘zbekiston-Koreya munosabatlari alohida strategik sheriklikning yangi pog‘onasiga ko‘tarilishiga zamin yaratdi.
Foto: Oliy Majlisi Senati axborot xizmati
Uchrashuvda Mun Chje In tashrif doirasida erishilgan kelishuvlar muvaffaqiyatli ro‘yobga chiqarilayotganini, O‘zbekistonda ularni amalga oshirish uchun monitoring guruhi tashkil etilganini ta’kidlab, bu borada yuzaga keladigan barcha masalalarni shaxsan o‘zi hal etishga tayyor ekanini bildirdi.
O‘zbekistonda turli millat va elat vakillari tinch-totuv yashayotganligini ta’kidlar ekan, Koreya yetakchisi O‘zbekistonda koreys millati vakillariga ko‘rsatilayotgan iliq munosabat uchun O‘zbekiston xalqiga yana bir bor o‘z tashakkurini izhor qildi.
Uchrashuv yakunida Mun Chje In O‘zbekiston Respublikasi prezidentiga chuqur hurmati va ehtiromini izhor qildi, o‘zaro aloqalarni yanada mustahkamlashga umid bildirdi va Shavkat Mirziyoyevni Koreya Respublikasiga tashrif buyurishini taklif qildi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Tolibon» Moskvadagi terakt tashkilotchilarini yo‘q qilishga va’da berdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
AQSH rasmiylari: Millionlab amerikaliklar xitoylik hakerlar hujumiga uchragan
Rossiya Ukrainaning harbiy dron yig‘uv inshootlarini yo‘q qildi