O‘zbekistonda eski namunadagi tanga va banknotlar muomaladan chiqariladi

  • 19 sentyabr 2019, 11:31
  • 1 152
  • O‘zbekiston
  • O‘zbekistonda eski namunadagi tanga va banknotlar muomaladan chiqariladi
    Foto: Markaziy bank matbuot xizmati
    25 so‘mlik va undan kichik nominal qiymatdagi tangalar va banknotlarni muomaladan qaytarib olish tartibi to‘g‘risidagi nizomni tasdiqlash haqidagi qaror Adliya vazirligida davlat ro‘yxatidan o‘tkazildi, deb xabar beradi «Huquqiy axborot».

    Mazkur nizomga ko‘ra, Markaziy bank tomonidan muomalaga chiqarilgan 1, 3, 5, 10, 20, 50 tiyinlik, 1, 5, 10, 25 so‘mlik qiymatidagi tangalar, shuningdek, 1, 3, 5, 10, 25 so‘mlik eski namunadagi banknotlar (qog‘oz pullar) 2020 yil 1 martdan boshlab qonuniy to‘lov vositasi sifatida o‘z kuchini yo‘qotadi.

    Ushbu tanga va banknotlar hech qanday monelik, cheklovlarsiz, to‘lov yoki vositachilik haqi undirilmagan holda:
    - 2020 yil 1 martga qadar Hisob-kitob kassa markazlari, tijorat banklari va ularning filiallari tomonidan;
    - 2020 yil 1 martdan 2021 yil 1 yanvarga qadar esa faqat Hisob-kitob kassa markazlari tomonidan almashtirib beriladi.

    Muomaladan qaytarib olinadigan eski namunadagi tanga va banknotlarning ayirboshlash muddati 2021 yil 1 yanvargacha etib belgilandi.

    Bunda hisob-kitoblar mijozlar va aholining talabiga asosan:
    - bank plastik kartasi hisobvaraqlariga kirim qilinish orqali (to‘liq qiymatda);
    - muomaladagi tanga va banknotlarga ayirboshlab berish orqali;
    - mijozlarning tegishli hisobvaraqlariga, fuqarolarning arizasiga asosan omonatga kirim qilish orqali;
    - kommunal va boshqa bir martalik to‘lovlar uchun qabul qilish orqali amalga oshiriladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekistonda eski namunadagi tanga va banknotlar muomaladan chiqariladi