O‘zbekiston hukumati 2015 yildan boshlab Rossiyadan qaytayotgan mehnat muhojirlarini ish bilan ta’minlaydi

  • 30 noyabr 2014, 23:10
  • 9 454
  • O‘zbekiston
  • Moskva vokzallaridan biridagi mehnat muhojirlari © Anhor.Uz



    O‘zbekistonda 2015 yildan boshlab xorijdagi, asosan, Rossiyadagi mehnat faoliyatidan qaytib kelayotgan mehnat muhojirlari bandligini ta’minlash bo‘yicha chora-tadbirlar amalga oshiriladi. Bu haqda O‘zbekiston Mehnat va aholini ijtimoiy muhofaza qilish vazirligidan Kun’ga ma’lum qilishdi, deb yozadi Kun.uz.

    Oliy Majlis Senati 13 noyabr kuni 2014 yilda ish o‘rinlari tashkil etish va aholi bandligini ta’minlash dasturini ma’qulladi, unga ko‘ra kelasi yili O‘zbekistonda 987 mingdan ortiq yangi ish o‘rinlari tashkil etilishi ko‘zda tutilgan.

    Mehnat va aholini ijtimoiy muhofaza qilish vazirligidan ma’lum qilishlaricha, ushbu dasturga xorijiy mamlakatlardagi, xususan, Rossiyadagi murakkab iqtisodiy vaziyat tufayli O‘zbekistonga qaytib kelayotgan mehnat muhojirlarining bandligini ta’minlash bo‘yicha chora-tadbirlar ham kiritilgan.

    Dasturga asosan, 2015 yili O‘zbekistonda 409,5 ming nafar mehnat muhojirlari ish bilan ta’minlanadi. Ayni vaqtda, ushbu ish o‘rinlarining asosiy qismi viloyatlarda – Surxondaryo, Samarqand, Qashqadaryo, Namangan, Andijon, Buxoro va Farg‘onada tashkil etiladi.

    Xususan, mehnat muhojirlari o‘z yashash joylarida ish bilan ta’minlanishlari yoki tadbirkorlik faoliyatlarini boshlashlari mumkin. Ayni shu jarayonda ularga O‘zbekiston hukumati va tijorat banklari tomonidan ko‘mak ko‘rsatiladi.

    «Masalan, O‘zbekistonga qaytib kelgan mehnat muhojirlari davlat hisobidagi foydalanilmayotgan ob’ektlarni, foydalanilmayotgan ob’ektlarni buzish natijasida ochilgan er uchastkalarini ishlab chiqarish yoki xizmat ko‘rsatish faoliyatini tashkil qilish maqsadida «nol» qiymatida sotib olishlari yoki ijaraga olishlari, bu loyihalarga muhojirlikdagi mehnatlari davomida to‘plagan daromadlarini sarmoya sifatida kiritishlari mumkin bo‘ladi», – deyiladi vazirlik axborotida.

    Bundan tashqari, dasturga asosan tijorat banklari O‘zbekistonga qaytib kelgan mehnat muhojirlariga kichik kreditlar taqdim etishadi. Ushbu kreditlar hisobidan mehnat muhojirlari xorijdagi faoliyatlari davomida to‘plagan tajribalari asosida o‘z bizneslarini yo‘lga qo‘yishlari va rivojlantirishlari mumkin bo‘ladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekiston hukumati 2015 yildan boshlab Rossiyadan qaytayotgan mehnat muhojirlarini ish bilan ta’minlaydi