Xitoy O‘zbekiston hududlari xavfsizligi uchun 1 mlrd dollar ajratadi

  • 27 sentyabr 2019, 08:15
  • 1 408
  • O‘zbekiston
  • Xitoy O‘zbekiston hududlari xavfsizligi uchun 1 mlrd dollar ajratadi
    Hamkorlik bo‘yicha O‘zbekiston-Xitoy hukumatlararo qo‘mitasining 5-yig‘ilishi yig‘ilishi natijalari bo‘yicha erishilgan kelishuvlarni amalga oshirish rejasi qabul qilindi.

    2019 yil aprelda O‘zbekiston Prezidenti Shavkat Mirziyoyev Xitoyga rasmiy tashrif buyurib, “Bir makon, bir yo‘l” Ikkinchi xalqaro forumida ishtirok etgandi. 27-29 avgst kunlari qo‘mitaning 5-yig‘ilishi bo‘lib o‘tgan. Uning yakunlariga ko‘ra, kelishuvlar, memorandumlar va umumiy qiymati 4,342 mlrd dollarlik shartnomalar imzolandi. Savdo-iqtisodiy, investitsiya, bank-moliya, transport-kommunikatsiya va boshqa sohalarda loyihalarni amalga oshirish rejalashtirilgan.

    Shu munosabat bilan O‘zbekiston hukumati erishilgan kelishuvlarni amalga oshirish bo‘yicha amaliy tadbirlar rejasini tasdiqladi. Unda ko‘rsatilgan mas’ul ijrochilar har bir loyiha bo‘yicha tarmoq jadvallarini ishlab chiqib tasdiqlashi, ularni o‘z vaqtida va sifatli bajarishi hamda hisobot berishi lozim.

    Yirik loyihalar orasida O‘zbekiston hududlarida “Xavfsiz shahar” tizimini joriy etish bo‘yicha hamkorlik bor. Uning doirasida Xitoy tomonidan 1 mlrd dollarlik kelishuv imzolangan. Ushbu tizim jamoat xavfsizligi va tartibini ta’minlash uchun mo‘ljallangan dasturiy majmua hisoblanadi. Toshkentda tizimni 2020 yilning oxirgi choragida foydalanishga kiritish rejalashtirilgan. Tizimning butun mamlakat bo‘ylab montaj qilinishi va ishga tushirilishi 2021 yil dekabrigacha davom etadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Xitoy O‘zbekiston hududlari xavfsizligi uchun 1 mlrd dollar ajratadi