Avvalroq, Toshkent shahri Yunusobod tumanidagi Biznes markazi binosining 8-qavatida yong‘in chiqqani haqida xabar bergan edik. Toshkent shahar ichki ishlar bosh boshqarmasi Yong‘in xavfsizligi boshqarmasi mazkur yong‘in bo‘yicha rasmiy bayonot berdi.
Ma’lum qilinishicha, soat 17:30 da IIBB YoXB dispetcherlik xizmatiga Yunusobod tumani, Amir Temur ko‘chasi 25-uyda joylashgan ma’muriy binoda yong‘in bo‘layotgani haqida xabar kelib tushgan.
Soat 17:31 da ko‘rsatilgan manzilga 4 ta asosiy yong‘in o‘chirish bo‘linmalari va 2 ta maxsus avtonarvon yo‘llanilgan.
Yong‘in joyiga birinchi bo‘lib soat 17:34 da Yunusobod tumani yong‘indan muhofaza qiluvchi 18-HYoHQdan jangovar bo‘linmalaretib borgan vaqtda, biznes markazining 8-qavatidan qora tutun chiqayotgani ma’lum bo‘lgan.
Jangovar bo‘linmalar tomonidan ko‘rilgan chora va tezkor harakatlar natijasida, yong‘in soat 17:50 da qurshab olinib, soat 17:54 da butunlay o‘chirilgan.
Yong‘in oqibatida biznes markazining 8-qavatida joylashgan “Montaj qurilish xizmat” MChJga qarashli “Silver Water Gold Fish” MChJ tomonidan ijaraga olingan ofis xonasi, ichidagi jihozlari 20 kv metr maydonida hamda binoning 9-qavat deraza romi yong‘indan zarar ko‘rgan, deb yozadi Qalampir.uz.
Yong‘inni o‘chirish vaqtida binodagi 18 nafar ishchi-xizmatchilar xavfsiz joyga olib chiqilib, yong‘indan zarar ko‘rmasligi ta’minlangan.
Yong‘in sabablari va keltirilgan zarar miqdorlari aniqlanmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Damas uchun onlayn kontraktatsiya ochiladi
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Vladimir Putin «Krokus»da sodir etilgan terakt uchun o‘ch olishga chaqirdi