Toshkentdagi maktab direktori byudjet mablag‘larini sarflab yubordi

Joriy yilning 2 may kuni Toshkent shahri Shayxontohur tumanidagi umumiy o‘rta ta’lim maktabi direktoriga nisbatan jinoiy ish qo‘zg‘atildi. U maktabga tegishli pul mablag‘larini sarflab yuborganlikda ayblanmoqda.

Direktor o‘zining lavozimidan foydalangan holda umumiy 7 mln so‘m hisobidagi mablag‘ni o‘g‘irlagan va o‘zi uchun ishlatgan.

Ushbu fakt asosida 167-2-modda “v”, “g” bandlari bo‘yicha jinoiy ish qo‘zg‘atilgan (o‘zlashtirish yoki sarflash yo‘li bilan o‘g‘irlash).

Shu hollarda o‘rinli savol tug‘iladi: ta’lim-tarbiyani o‘rgatuvchi shunday muqaddas dargoh rahbari bu kabi pastkashlikka qo‘l urgan bo‘lsa, unda o‘quvchi bolalar adashsa, kim to‘g‘ri yo‘lga soladi? Axir, ustoz va murabbiylar yoshlarga o‘rnak bo‘lishi lozim emasmi? “Zamin” yangiliklarini “Odnoklassniki”da kuzatib boring