BMT Bosh kotibi Antoniu Guterrish 10 iyun kuni kattaligi bo‘yicha dunyoda to‘rtinchi o‘rinda bo‘lgan Orol dengizini borib ko‘rgan edi.
Guterrish qachonlardir port shahar, hozir esa “kemalar qabristoni” bo‘lgan Mo‘ynoqni borib ko‘rganidan so‘ng: “Orol dengizining qurishi iqlim tufayli emas, suv resurslarining inson tomonidan noto‘g‘ri boshqarilishi natijasida ro‘y bergan. Shuningdek, iqlim o‘zgarishi munosabati bilan uning salbiy ta’sirini kamaytirishga oid qat’iy choralar ko‘rilmasa, bu fojia butun dunyo miqyosida ko‘payadi”, deya ogohlantirdi.
Necha yillardan buyon bizni asta-sekin tark etayotgan Orol fojiasiga mutaxassislar turli yondashuvlar bildirmoqda. Kimlardir inson omili desa, yana kimlardir tabiatdagi o‘zgarishlarga bog‘lamoqda.
Men ham yil boshida xizmat safari bilan Mo‘ynoq tumaniga borganimda qurshab qolgan dengizimizni ko‘rdim. Bir paytlar qirg‘oqlariga sig‘may hayqirib yotgan dengiz o‘rnida biyobon cho‘lni ko‘rish har qanday inson uchun juda og‘ir va tushuntirib berolmaydigan ruhiy kechinmalarni qalbga soladi.
Orolni kuzatayotganimizda “kemalar qabristoni”ga qarab turuvchi Qushqanot og‘a bilan suhbatlashib qoldik. Og‘aning xotirlashicha, yoshi ulug‘lar Orol dengizi oldin ham ikki marotaba qurib, keyin yana o‘ziga qaytgani haqidagi suhbatni gapirib berdi.
Qushqanot og‘a shunday xotirjamlik va ishonch bilan aytdiki: “Orol yana qaytadi”. Bizga hamrohlik qilayotgan qoraqalpoqlik mutasaddi akamiz ham og‘aning gaplariga hech qanday moneliksiz qo‘shildi. Alqissa, hammamizning ko‘nglimizda bir umid uyg‘ondi — Orol yana qaytsin!
Manba: Qalampir.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!