11:03 / 29.09.2017
9 933

Toshkentda kriminal avtoritet hibsga olindi

Toshkentda kriminal avtoritet hibsga olindi
Toshkent IIBB tezkor xizmatlari Abbosxon Xo‘jayevni hibsga olishdi, u, huquqni muhofaza qilish organlari ma’lumotlariga ko‘ra, poytaxtning «kriminal avtoriteti» nomiga da’vogarlik qilgan. Bu ma’lumotni poytaxt IIBB boshlig‘ining o‘rinbosari, Tergov bo‘limi boshlig‘i Doniyor Toshxo‘jayev 28 sentyabr kuni bo‘lib o‘tgan brifingda tasdiqladi. Bu haqda Kun.uz xabar berdi.

«U jinoiy guruhni tashkil etgani va avtoritet maqomini qo‘lga kiritish uchun harakatlarni amalga oshirgani tasdiqlandi. Tezkor kuchlar tomonidan mazkur harakatlar bartaraf etildi. U hibsga olindi, sheriklari aniqlanmoqda», - degan Doniyor Toshxo‘jayev.

«Shuni ishontirib aytishim mumkinki, Toshkentda hech kimning qonundan ustun bo‘lishiga yo‘l qo‘yilmaydi. Konstitutsiya, Jinoyat-protsessual kodeks, normativ hujjatlar, hokimiyat, huquqni muhofaza qilish idoralari mavjud. Bu yerda «ko‘cha»ga joy yo‘q», - deya qo‘shimcha qilgan Toshxo‘jayev.

Abbosxon Xo‘jayevga giyohvand moddalarni saqlash aybi e’lon qilindi (JKning 273-moddasi 5-qismi).

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Toshkentda kriminal avtoritet hibsga olindi