Tashqi ishlar vazirligi bayonot berdi: Qozog‘istondagi avtobus yonishi oqibatida 52 kishi vafot etdi

Avvalroq, Qozog‘istonning Aqto‘be viloyati Irg‘iz tumanida bugun, 18 yanvar kuni “Samara-Chimkent” avtomobil yo‘lining 1068-kilometrida, Kalibay aholi punktidan 10-km uzoqlikda “Ikarus” rusumli yo‘lovchi avtobusi harakatlanish chog‘ida yonib ketgani haqida xabar bergan edik. Dastlabki ma’lumotlarda OAVlar ushbu avtobusda 52 nafar O‘zbekiston fuqarosi bo‘lganini ma’lum qilgan edi.

O‘zbekiston Respublikasi tashqi ishlar vazirli ushbu fojia yuzasidan rasmiy bayonot bilan chiqdi.

Avtobus salonida 55 nafar yo‘lovchi (dastlabki ma’lumotlarga qaraganda O‘zbekiston fuqarolari) va 2 nafar haydovchilar bor bo‘lib, ulardan 5 kishiga Qozog‘iston Ichki ishlar vazirligi Favqulodda vaziyatlar qo‘mitasining Halokatlarda tibbiy yordam ko‘rsatish markazi tomonidan tibbiy yordam berilgan, qolgan 52 kishi voqea joyida vafot etgan.

Shu munosabat bilan O‘zbekistonning Qozog‘istondagi Elchixonasi xodimlari joyida yordam ko‘rsatish uchun zudlik bilan Irg‘iz tumaniga yuborildi, deyiladi TIV rasmiy axborotida. “Zamin” yangiliklarini “Youtube”da kuzatib boring